काठमाडाै साउन ३२ । असोसिएसन अफ अष्ट्रेलियन एजुकेशन रिप्रेजेन्टेटिभ्स इन नेपाल’ (एरी नेपाल) को ५ औं वार्षिक साधारण सभा र सम्मेलन काठमाडौंको म्यारिअट होटलमा आयोजना गरिएको छ । कार्यक्रमको सुरूवात नेपाल र अष्ट्रेलियाको राष्ट्रिय गान सँगै पानसमा दिप प्रज्वलन गरी कार्यक्रमको समुद्घाटन गरिएको छ ।
कार्यक्रमलाई सम्बोधन गर्दै एरी नेपालका अध्यक्ष महेश बाबु तिमाल्सिनाले एरी नेपालको गतिविधि र उपलब्धिलाई अनुबन्धित गर्दै आफ्नो प्रस्तुती दिनु भएको थियो।
प्रस्तुतिमा बिश्व स्तरीय अस्ट्रेलियाली शैक्षिक प्रणाली र यसले बिध्यार्थीको जीवनस्तरमा ल्याएको परिवर्तनका बारेमा चर्चा गर्नु भएको थियो।
कार्यक्रममा जुम मार्फत जोडीदै एरी इन्डियाका अध्यक्ष निशि बोर्राले ५ औं वार्षिक साधारण सभा र सम्मेलनको सफलताको कामना ब्यक्तगर्नु भयो।
अष्ट्रेलियन हाई कमिसन न्यु दिल्लीका मिनिस्टर काउन्सलर म्याथ्उ जोनस्टनले शैक्षिक उन्नती र दिपक्क्षीय सम्बन्धका बारेमा प्रकाश पार्दै एरी नेपालको ५ औं वार्षिक साधारण सभा र सम्मेलनको सफलताको कामना ब्यक्तगर्नु भयो।
अष्ट्रेलियाली शैक्षीक प्रणाली, यसको नेपाली अर्थतन्त्रमा परेको सकारात्मक प्रभाव र नेपाली विद्यार्थीहरूका लागि मार्गनिर्देशनबिषयक प्यानल डिस्कसन समेत आयोजना गरीएको थीयो। प्यानल डिस्कसनको मोड्रेसन एरी नेपालका संस्थापक अध्यक्ष द्विराज शर्माद्वारा संचालन गरीएको थियो। उक्त प्यानल डिस्कसनमा प्यानलीष्टको रूपमा उज्ज्वल श्रेष्ठ (पन्चाकन्या ग्रुपका कार्यकारी निर्देशक), सम्बृद्धि क्षावाली (नेपाल रिपब्लीक मिडिया), अनन्त पौड्याल (आनाका अध्यक्ष र नबिल बैंकका निर्देशक) र खेम लकाई (गेट कलेजका संस्थापक) हरूले आफ्नो धारण व्यक्त गर्नु भएको थियो। छलफलमा विद्यार्थीहरूको उच्च शिक्षाका लागि मार्गनिर्देशन र अष्ट्रेलियाली शिक्षामा नेपालको अर्थतन्त्रमा गहिरो प्रभावका बारेमा छलफल गरीएको थियो।
कार्यक्रमका अतिथि वक्ता श्री अनिल केशरी शाहले बिश्वब्यापी शिक्षा र यसको बिध्यार्थीहरूको ब्यक्तीत्व बिकासमा पार्ने सकारात्मक परिवर्तनका बारेमा प्रकाश पार्नु भयो।
कार्यक्रमकी प्रमुख अतिथि महामहिम अस्ट्रेलियाली राजदूत फेलिसिटी भोल्कले नेपाल र अष्ट्रेलियाबीचको सुमधुर संम्बन्ध र अष्ट्रेलियन एजुकेशन को नेपाल र नेपालीलाई पारेको सकारात्मक प्रभावको बारेमा जानकारी गराउँदै ५ औं वार्षिक साधारण सभा र सम्मेलनको सफलताको कामना ब्यक्तगर्नु भयो।
कार्यक्रममा उपस्थित सम्पूर्ण अतिथिहरूलाई मायाको चिनो प्रदान गर्नुको साथै एरी नेपालका नयाँ सदस्यहरूलाई सदस्यताको प्रमाणपत्र प्रदान गरीएको थियो।
कार्यक्रमको अन्तमा एरी नेपालका उपाध्यक्ष बुद्धि सागर आर्यालले सबै सहभागीहरू र सहकर्मीहरू प्रति धन्यवाद व्यक्त गर्दै ५ औं वार्षिक साधारण सभा र सम्मेलनको समापन गर्नु भएको थियो।
