परासी, ४ मंसिर ।
नवलपरासी पश्चिममा निर्धारित समयदेखि नै २८७ मतदान केन्द्रबाट मतदान शुरु भएको छ । जिल्लाको ७ वटै पालिकाको २८७ मतदान केन्द्रबाट सहज वातावरणमा मतदान कार्य जारी रहेको प्रमुख जिल्ला अधिकारी श्रवण कुमार पोखरेलले जानकारी दिनु भयो । जिल्लामा बिहान ९ बजे जिल्लाको जेष्ठ नागरिक १०० बर्षिय कलावती केवट प्रतापुर ४ बर्द्घाटे जनता आधारभुत विद्यालय मतदान केन्द्रमा आफ्नो मतदान सुरक्षित गर्नु भएको छ। त्यसै गरि रामग्राम १० बस्ने ९६ बर्षिय रामानन्द तेलीले जनता माबी लछ्मीपुर मतदान केन्द्रमा आफ्नो मतदान सुरक्षित गर्नु भएको प्रमुख जिल्ला अधिकारी श्रवण कुमार पोख्रेलले जानकारी दिनु भयो।
प्रजीअ पोख्रेलका अनुसार १० बजेसम्म १० प्रतिशत मतदान सकेको जानकारी दिनु भयो। त्यस्तै जिल्लाका हैबीवेट नेता पुर्ब मन्त्री हृदयेश त्रिपाठी, पुर्बगृहरज्य मन्त्री देबेन्द्रराज कन्डेलले पनि आफ्नो मतदान सुरक्षित गर्नु भएको छ।
उद्योगपति बिनोदचौधरी नवलपरासीव पश्चिम १ बाट उम्मीदवारी भाएपनी नामावली भने पूर्ब नवलपरासी देबचूली नपाको दुमकौली केंद्रबाट भाएको हुदा तेहीबाट मतदान गर्ने चौधरीको सचिवालयले हानकारी डिएको छ ।
जिल्लामा कुनै अवरोध बिना सहज वातावरणमा मतदान भै रहेको छ।
जिल्लामा कुल १२० मतदान स्थल र २८७ मतदान केन्द्र छ । १थप अस्थायी मतदान केन्द्र जिल्ला कारगारमा कैदीबन्दीका लागि व्यवस्था गरिएको छ । जिल्लामा कुल २ लाख ४० हजार ९३० मतदाता छन् । जिल्लामा कुल २ प्रतिनिधिसभा र ४प्रदेशसभा निर्वाचन क्षेत्र छ ।