परासी ।पश्चिम नवलपरासीको सरावल गाउँपालिकामा गरिब तथा जेहेन्दार विद्यार्थीहरुलाई उच्च शिक्षा अध्ययनको लागी ४ लाख २० हजार रुपैया बरावरको छात्रवृत्ति वितरण गरिएको छ । सरावल गाउँपालिका र एबिसि नेपालको संयुक्त लगानीमा २२ जनालाई उच्च शिक्षा अध्ययनको लागी ४ लाख २० हजार रुपैया छात्रवृत्ति वितरण गरिएको हो।
विद्यार्थीहरुलाई छात्रवृत्ति वितरण गर्दै पालिका अध्यक्ष सुखाडी प्रसाद चौधरीले विद्यार्थी देशको भविष्य भएकाले शिक्षामा गरिने लगानी फलदायी हुने बताउनुभयो । विद्यार्थीहरु उच्च शिक्षा हासिल गर्दै आफु , आफ्नो परिवार र सरावललाई देश बिदेशमा चिनाउने किसिमको काम गर्नुपर्ने सुझाव दिनुभएको थियोे । चौधरीले बोल्दै जनप्रतिनिधि नहुदा आफु एबिसि नेपालसंग आबद्ध भएर ल्याएको योजना र हाल आफु जनप्रतिनिधि भएको बेला यो योजना कार्वान्यन भएकोमा खुशी ब्यक्त गर्दै अगामी दिनमा पनि यस्ता योजनालाई निरन्तरता दिने बताउनुभयो । सरावल गाउपालिका अन्तर्गतका विद्यालयहरुको शैक्षिक गुणस्तर वृद्धिसँगै भौतिक विकासका लागि आफूले निरन्तर सहयोग गर्ने बताउनुभयो ।
कार्यक्रममा सरावल गाउँपालिका वडा नम्बर ३ का वडा अध्यक्ष फिरंगी चौधरी , वडा नम्बर २ कार्यवाहक अध्यक्ष तुफानीलाल गुप्ता, वडा नम्बर ५ वडा अध्यक्ष लक्षमण चौधरी , वडा नम्बर ६ वडा अध्यक्ष छोटेलाल गुप्ता एबिसि नेपालको सहजकर्ता सायिदा नेसा पठान लगाएतको सहभागीता रहेको थियो ।