नवलपरासी, पुस ६ । सुनवल नगरपालिकाले चालु आर्थिक वर्षको चौमासिकमा गरेका विकास निर्माणका काम र सेवा प्रवाह बारे सार्वजनिक सुनुवाई कार्यक्रम सम्पन्न गरेको छ । बाल उद्यान सुनवलमा भएको कार्यक्रममा सहभागि नगरवासीले शैक्षिक सुधार, छाडा चौपायाको व्यवस्थापन, नदिजन्य पर्दाथको चोरी नियन्त्रण, खानेपानी समस्या लगाएतका विषयमा चासो देखाएका छन् । सुनवलमा खोलाको चोरी निकासी बढेको बताउदै तत्कालै ठेक्का प्रक्रिया मार्फत चोरी निकासिको नियन्त्रण गर्न सार्वजनिक सुनुवाईमा नगरवासीले जनप्रतिनिधिको ध्यानआर्कषण गराएका छन् । साथै विद्यालय शुल्कको विषयमा पनि नगरवासिले जोडतोडले कुरा उठाएका छन् ।
निजि विद्यालयले पनि मनपरी शुल्क लिएको र सामुदायिक विद्यालयमा पनि निशुल्क शिक्षा प्रदान हुन नसकेको भन्दै यस तर्फ गम्भिर गर्न नगरपालिकालाई आग्रह गरेका छन् । कार्यक्रममा बोल्दै सुनवल नगरपालिकाका नगर प्रमुख विमला अर्यालले खोलाजन्य पर्दाथको चोरी निकासि रोक्न आफुहरु प्रक्रियामा अगाडी बढेको बताउदै विगत लामो समय देखि खोलाको नियमित ठेक्का नलाग्दा समस्या भएको बताउनुभयो । आफुहरुले नियमसंगत तवरले काम गर्ने र खोलाको चोरी निकासी रोक्ने योजनाका साथ काम गरिरहेको बताउदै उहाँले यसमा सबै नगरवासीले पनि साथ दिनुपर्नेमा नगरप्रमुख अर्यालको जोड दिनुभयो ।
भर्खर चालु आर्थिक वर्षको चार महिनाको अवधि सकिएको बताउदै उहाँले बजेटको सहि सदुपयोग गरेर सम्वृद्ध नगर बनाउने आफुहरुको अभियान जारी रहेको नगर प्रमुख अर्यालले बताउनुभयो । गरिब जेहेन्दार विद्यार्थिको शैक्षिक सुधारका लागी मेयर संग छात्रवृत्ति कार्यक्रम ल्याईएको बताउदै उहाँले नगरको शिक्षाको विकासमा कुनै कसर बाँकि नराख्ने बताउनुभयो । कार्यक्रममा उपप्रमुख सुर्य प्रसाद दुवेले पुणर् रुपमा सरकारी विद्यालयमा पनि शिक्षा निशुल्क हुन नसकेको स्वीकार गर्दे यो सुनवलको मात्रै समस्या नभएको बताउनुभयो । विद्यार्थि सङख्या अनुरुपको शिक्षकको व्यवस्था नहुनु, नगरपालिकाको आन्तरिक स्रोत कमजोर हुनु लगाएतका कारण पुणर् निशुल्क शिक्षा प्रदान गर्न नसकिएको उपप्रमुख दुवेको भनाई थियो ।
कार्यक्रममा प्रमुख प्रशासकिय अधिकृत भक्तिराम मरासिनीले नगरले चालु आर्थिक वर्षको चार महिनामा सम्पादन गरेका काम र आगामि कार्ययोजना विस्तृतमा प्रस्तुत गर्नुभएको थियो ।
सो क्रममा वडा अध्यक्षहरु मन बहादुर थापा, राजेन्द्र यादव, पविन गुरुङ्ग, बालकृष्ण पंगेनी, नेत्रलाल शर्मा तिवारी, हिमलाल शर्मा, नारायणप्रसाद आचार्य, देउबहादुर गुरुङ्ग, विरवल चौधरी, दिलबहादुर थापाले उठेका प्रश्नको जवाफ दिनुभएको थियो । नगरपालिकाले सेवाप्रवाह र विकास निर्माणका काम बारे जनताको गुनासो पनि बुझ्ने र समाधानको उपाय खोज्ने गरी जनताप्रति उत्तरदायि र जवाफदेहि बन्न सार्वजनिक सुनुवाई चौमासिक रुपमा गर्ने योजना बनाएको जनाएको छ ।
