राजेन्द्र महतो , सिरहा ।
सिरहाको मिर्चैया नगरपालिकाले घुर्मी-कमल दह सडक खण्डमा निर्माण भइरहेको बाटोमा साबिकमा सडक रहेको भएता पनि साविक सडक छाडेर निजी जग्गामा राजनैतिक पुर्वाग्रह राखी सडक संचालनमा ल्याउन खोजेको स्थानीयले आरोप लगाएका छन्।
मिर्चैया नगरपालिका वडा न. ९ का स्थानिय रेवी महतोले पटक पटक नगरपालिकालाई सो सम्बन्धमा जानकारी गराएता पनि नगरपालिकाले वेवास्ता गरि निजी जग्गामा बाटो निर्माण गरेको आरोप लगाएका हुन।
मिर्चैया नगरपालिका वडा न. ९ स्थित रेवी महतोको नाउ मा रहेका कि.नं. ३२७९ को ०-४-२ र कि.नं. ३२८७ को ०-२-४.७५ जग्गाहरुको पूर्व तर्फ कि.नं. ९९९९९९ नं. को सार्वजनिक सडक वाटो रहेकोे तर, मंसिर १६ गते शंकर कनट्रक्सन प्रा. लिका २ जना कर्मचारीले मेरो घरमा गइ “यो तपाईको जग्गा हो भने यो जग्गामा भएको धानवाली अविलम्ब हटाई हाल्नु । यो जग्गावाट नयाँ निर्माणको बाटो बनाउँछ हटाउनु हुन्न भने हामीले जे.सि.बी. ल्याई धानवाली माटोले पुरी नयाँ निर्माणको सडक बाटो बनाउँछु ” भन्दै कार्यालय तर्फ फर्केको रेवी महतोले बताए ।
उनले भने “मैले यस सम्बन्धमा वडा कार्यालयमा गई वडा अध्यक्षसँग सार्वजनिक सडक बाटो हुदाँ हुदै मेरो मंजुरी सहमती विना नयाँ सडक बाटो बनाउँछु भनि किन शंकर कनट्रक्सन प्रा.लि. मिर्चेयाका कर्मचारीहरु आएको भनेर सोध्दा वडा अध्यक्षले तपाई मेरो पार्टीको मान्छे होइन । कर्मचारीहरुलाई जहाँदेखि सडक वाटो बनाउनु पर्छ , बनाउँछ यसमा मैले केही गर्न सक्दिन भनेर बताए” । पीडित महतोले यस बारे मिर्चेया नगरपालिकाका नगर प्रमुख श्रवण यादवको कार्यालयमा गई सुनाउँदा यो वडा कार्यालयको काम हो तपाईं त्यही जानु भनेर भनेको पीडितले सुनाए ।