रामग्राम नगरपालिका १८नं वडाको कुईयामा पाचौं माघी महोत्सव विविध कार्यक्रमका साथ उल्लासमयरुपमा सम्पन्न भएको छ ।
पौष २९ देखि सुरु भएको माघी महोत्सव माघ २ गते सम्पन्न भएको हो ।
सत्रुधन चौधरीको सभाध्यक्षतामा संचालन भएको उद्घाटन समारोहको प्रमुख अतिथी रामग्राम मेयर धनपत यादव र विशिष्ट अतिथिका रुपमा उपमेयर सम्झनाचौधरीको उपस्थिती रहेको थियो ।
महोत्सवको आर्कषणका रुपमा सम्पन्न प्रतिश्पर्धात्मक एवं रोमान्चकारी खुल्ला भलिवल प्रतियोगितामा २० टिम प्रतिश्पर्धीको रुपमा सहभागि हुंदा गंगाबस्ती भलिवल समुह तेश्रो स्थान, बर्गदही भलिवल समुह दोश्रो स्थान र माकर भलिवल समुह प्रथम स्थान प्राप्त गर्न सफल भएका थिए ।
प्रतियोगितामा प्रथम हुनेले रु २० हजार दोश्रो हुनेले रु १० हजार र तेश्रो हुनेले रु ५ हजार नगद शिल्ड र प्रमाणपत्र प्राप्त गरेका थिए । यसै गरि महोत्सवमा थारु संस्कृतिका परिस्कृत झाम्टानाच प्रस्तुत गर्ने स्थानीय १२ वटा समुहले आयोजकद्धारा प्रति समुहका १ हजार दरले प्रोत्साहन स्वरुप नगद प्राप्त गरेका थिए ।
समारोहमा मेयर धनपतयादव र उपमेयर सम्झना चौधरीले शुभकामना व्यक्त गर्दै माघी समारोहले थारु संस्कृती, परम्परा, सम्पदा र सामाजीक एकताको जर्गेना गर्न महोत्सवको महत्वपुर्ण भुमिका रहने वताए ।
विजय चौधरीले औपचारीकरुपमा संचालन गरेको महोत्सव समारोहमा समाजसेवी सोभा चौधरी, दुर्गा चौधरी , विद्यालयका प्रधानाध्यापक दिपक भट्टराई, जिल्ला भलिवल संघ सदस्यक श्याम वहादुर चौधरी का.वा. वडाध्यक्ष त्रिवेणी चौधरीले माघी पर्वको चर्चा सहित सुभकामना मन्तव्य राखेका थिए ।
३ दिन सम्म संचालीत महोत्सवको आर्कंषणका रुपमा विविध थारु संस्कृतिका कला तथा नृत्यहरुको वृहत प्रस्तुती तथा खुल्ला भलिवल प्रतियोगिता संचालन गरिएको थियो ।
