परासी / कृषि प्रधान देशमा कृषि उत्पादन भने सन्तोषजनक नरहेको सरकारी आकड़ाहरूले देखाएको भएता पनी ब्यावसायिक च्याऊ उत्पादन तर्फ़ भने नवलपरासी पश्चिम आत्मनिर्भर उन्मुक बन्दै गएको छ ।
सदरमुकाम परासीको पोखरापालि क्षेत्रमा डल्ले च्याउ उत्पादन उद्योगको पूर्ब मन्त्री एवं नेपाली कांग्रेसका नेता देबेन्द्र राज कंडेलले एक कार्यक्रमका बिच शुभारम्भ गर्नू भएकोछ ।
बटम मसरुम समेत भनेर चीनीने डल्ले च्याउ उद्योगको सञ्चालन परासीका युवा व्यवसायीहरु कमल कसौधन, लवकुशवर्मा र सुनिल वर्माको संयुक्त लगानी (पार्टनरशिप)मा गरिएको हो ।
रामग्राम नगरपालिका वडा नं. ६ पोखरापाली स्थित जौरहीमाई पार्कको उत्तर तर्फ़ १६ कठ्ठा जग्गामा ८ करोड़ लागत उद्योग स्थापना गरिएको सञ्चालक कमल कसौधनले जानकारी दिनु भयो ।
बारहै महिना निरन्तर च्याऊ उत्पादन गर्न सकिने प्रबिधि जड़ित उद्योगले मासिक २० टनसम्म उत्पादन हुने जानकारी संचालक ब्यावसायीयुवा हरूको छ ।
डल्ले च्याउ अर्थात् बाटम मसरूमको माग देशका प्रमुख सहर लगायत भारतमां समेत माग रहेको सञ्चालकहरुकोभनाई छ ।
बिगत ७-८ बर्श एता सदरमुकाम परासी लाई केंद्रबिंदु वरपर साना, मझौला र ठूला दर्जन बढ़ी उद्योगहरु स्थापना भई सकेका छन र निरन्तर खुल्ने क्रम समेत जारी छन् ।
परासी आसपासको क्षेत्र औद्योगिक करिडोरका रूपमां बिकसित भईरहेको अवस्थामा केही उद्योगहरुले सरकारी-सार्वजनिक जग्गा समेत कब्जा गरेको र अधिकांश उद्योगहरुले अत्याधिक प्रदुषण समेत फैलाईरहेकोमा स्थानीय सरकारको नियन्त्रण र नियमन प्रणाली कमजोर रहेकोमा आलोचना समेत भईरहेको जनगुनासो ब्याप्त रहेको छ ।
