नवलपरासी । पश्चिम नवलपरासीको सरावल गाउँपालिका १ स्थित आर्दश माध्यमिक विद्यालय खोखरपुराको विद्यालय व्यवस्थापन समितिका अध्यक्षमा जगदिश प्रसाद चौधरी मनोनित हुनुभएको छ । विद्यालयमा सम्पन्न एक भेलाले विद्यालय व्यवस्थाप समितिको अध्यक्षमा चौधरीलाई चयन गरेको विद्यालयका प्रध्यानाध्यापक देवनारायण चौधरीले जानकारी दिनुभयो ।
गत पुस ७ मा सम्पन्न अभिभावक भेलाले ९ सदस्यीय समिति चयन गरेको छ । जसको सदस्यहरुमा अभिभावकको तर्फबाट रिना कुमारी चौधरी, विष्णु कुमारी चौधरी, वडा अध्यक्षको तर्फबाट सरावल १ का वडा अध्यक्ष विष्णु प्रसाद भट्टराई, प्रध्यानाध्यपक देवनारायण चौधरी, खुल्लाबाट लक्ष्मण चौधरी, केशवराज चौधरी, लिलादेवी चौधरी चयन हुनुभएको विद्यालयले जनाएको छ ।