काठमाडौं – युकेको प्रतिष्ठित विश्वविद्यालय University of the West of England (UWE Bristol) का प्रतिनिधिहरूले मे ११ (आईतबार) का दिन रोसेटा एजुकेशन इन्टरनेशनल, नयाँ बानेश्वर काठमाडौंको कार्यालयमा विद्यार्थीहरूसँग प्रत्यक्ष अन्तरक्रिया कार्यक्रम सम्पन्न गरेका छन्। सेप्टेम्बर २०२५ इन्टेकलाई लक्षित गर्दै आयोजित उक्त कार्यक्रममा दोहोरो संवाद, भर्ना मूल्यांकन तथा करियरसम्बन्धी परामर्श प्रदान गरिएको थियो।

कार्यक्रममा यूडब्ल्यूई ब्रिस्टलका International Recruitment Head केविन डन (Kevin Dunn) र नेपाल तथा भुटानका Country Manager सुजन घिमिरे (Sujan Ghimire) विशेष अतिथिका रूपमा उपस्थित थिए। उनीहरूले विद्यार्थीहरूलाई कोर्ष विकल्प, छात्रवृत्तिको सम्भावना र युकेमा अध्ययनपछि हुने करियर अवसरहरूबारे विस्तृत जानकारी दिएका थिए। कार्यक्रममा सहभागी विद्यार्थीहरूलाई शैक्षिक प्रमाणपत्र र राहदानीको प्रतिलिपि साथमा ल्याउन अनुरोध गरिएको थियो जसले प्रक्रिया छिटो बनाउन सहयोग पुर्‍याएको थियो।

उपस्थित विद्यार्थीहरूले यस्ता प्रत्यक्ष अन्तरक्रियाबाट धेरै जानकारी प्राप्त भएको भन्दै खुसी व्यक्त गरे। कार्यक्रमको समापनमा Rosetta Education International का Managing Director प्रबिन पौडेलले विशिष्ट पाहुनाहरूलाई विशेष धन्यवाद व्यक्त गर्दै भने, “यूडब्ल्यूई ब्रिस्टलका प्रतिनिधिहरूले हाम्रो संस्थामा आएर विद्यार्थीहरूलाई मार्गदर्शन गर्नु निकै सराहनीय पहल हो। हामी उहाँहरूको समय र समर्थनप्रति आभारी छौं।”

यो कार्यक्रमले रोसेटा एजुकेशन इन्टरनेशनलको अन्तर्राष्ट्रिय शिक्षा संयोजनप्रतिको प्रतिबद्धता र नेपाली विद्यार्थीहरूलाई विदेशमा अध्ययनका लागि सशक्त बनाउने लक्ष्यलाई अझ सुदृढ बनाएको छ।