सुनवल/ भदौ २८/ नेपाल निर्माण तथा सम्बद्ध श्रमिक संघ(काउन) जिल्ला कार्य समितिको आयोजनामा वर्क साईट मिटिंग तथा सामाजिक सुरक्षा सम्बन्धी सचेतना कार्यक्रम नवलपरासीको सुनवलमा सम्पन्न भएको छ ।
कार्यक्रमको समुद्घाटन चरणमा धारणा राख्दै काउनका केन्द्रीय अध्यक्ष प्रदीप आचार्यले राज्यले असंगठित क्षेत्रका श्रमिकहरूकों असुरक्षित र जोखिमपूर्ण जीवनयापन र कार्यक्षेत्र सुरक्षाका निम्ति तत्काल निर्माण क्षेत्रमा संलग्न श्रमिकहरूलाई सामाजिक सुरक्षा कोषमा आबद्ध गर्ने प्रक्रियामा लैजान सरकारलाई गम्भीर हुन आग्रह गर्नु भयो ।
कार्यक्रममा काउन केन्द्रीय बरिष्ठ-उपाध्यक्ष ॐ प्रकाश चौधरी, काऊन प्रदेश अध्यक्ष बाबुरामराम चौधरी , काउन संस्थापक ज़िल्ला अध्यक्ष एवं वर्तमान केन्द्रीय उपाध्यक्ष धर्मदत्त चापागाई , ट्रेड यूनियन काँग्रेस नवलपरासी अध्यक्ष ज्ञानहारी अर्याल ,सुनवल नगरपालिकाका सब इंजिनियर रेशम प्रसाद शर्मा, ट्रेड यूनियन काँग्रेस प्रदेश सदस्य सुबिन्द्रनाथ कंवरयोगी, BWI नेपालका परियोजना प्रमुख सुजन कार्की लगायतले श्रमिकका अधिकार र राज्यकोअपूर्ण भूमिकाको विषयमा भनाई राखेका थिए ।
समाजशास्त्री / पत्रकार महासंघ परासीका पूर्व उपाध्यक्ष एवं निर्माण कंसल्टेंट नारायण सुबेदी, काँग्रेस क्षेत्रीय सचिब भरत पौडेल लगायतको उपस्थिति रहेको कार्यक्रमको औपचारिक स्वागत काऊन का प्रदेश उपाध्यक्ष ह्यापीनाथ कवरले गरेका थिए ।
सामाजिक सुरक्षा कार्यालय, बुटवलका प्रतिनिधि खिम कार्कीले सहभागी श्रमिक अगुवाहरूलाई सामाजिक सुरक्षा सम्बंधित अनुशिक्षणमार्फ़त प्रशिक्षण प्रदान गरेका थिए ।
कार्यक्रममा निर्माण श्रमिकका रूपमा यो क्षेत्रमा लामो समय सम्म योगदान पुर्याएकोमा सुनवल ९ का ७० बर्श नजीक पुग्नु भएका लीलावल्लव खनाललाई दोसल्ला ओढ़ाई सम्मान गरीएको थियो ।
श्रमिकहरूको संस्था काउन नवलपरासीका साचिब ग़म बहादूर गुरूंगद्वारा औपचारिक संचालन गरीएको कार्यक्रममां अध्यक्ष केशबनाथ कवरयोगीको अध्यक्षता एवं काउनका केन्द्रीय अध्यक्ष प्रदीप आचार्यको प्रमुख आतिथ्यतामां सम्पन्न भएको थियो ।
