काठमाडौं — लिभरपुल होप विश्वविद्यालयले माल्भर्न इन्टरनेशनलसँगको सहकार्यमा नेपालमा आफ्नो औपचारिक उपस्थितिको घोषणा गरेको छ। यो कदमले बेलायतमा उच्च शिक्षा प्राप्त गर्न इच्छुक नेपाली विद्यार्थीहरूका लागि विश्वस्तरीय शैक्षिक अवसरहरू उपलब्ध गराउने विश्वविद्यालयको प्रतिबद्धतालाई थप मजबुत बनाएको छ।
कार्यक्रममा विश्वविद्यालयका वरिष्ठ प्रतिनिधिहरूको उपस्थिति रहेको थियो, जसमा युनिभर्सिटी रिकृटमेन्ट एण्ड पार्टनरसिप्सकी सिनियर निर्देशक एश्ले भेरेस, ग्लोबल रिकृटमेन्ट (पाथवेज) प्रमुख श्वेता पिम्पलिकर, सेल्स अपरेशन्स (पाथवेज) निर्देशक डेभिड थोम्पसन, नेपाल, बंगलादेश र भुटानका लागि सिनियर रिजनल म्यानेजर सुनिल रेग्मी र नेपालका लागि रिजनल म्यानेजर कृपा पाण्डे रहेका थिए।
शैक्षिक उत्कृष्टता, सहयोगी शिक्षण वातावरण र सक्रिय विद्यार्थी समुदायका लागि प्रसिद्ध लिभरपुल होप विश्वविद्यालयले नेपाली विद्यार्थीहरूलाई बेलायतमा आफ्नो शैक्षिक र व्यावसायिक लक्ष्य हासिल गर्ने मार्ग प्रदान गर्ने लक्ष्य राखेको छ। कार्यक्रममा पाठ्यक्रम, छात्रवृत्ति र लिभरपुलमा विद्यार्थीहरूले पाउने सांस्कृतिक तथा शैक्षिक अनुभवका बारेमा जानकारी प्रस्तुत गरिएको थियो।
