नवलपरासी । पश्चिम नवलपरासीको सुनवल ९ स्वाठी स्थित स्वाठी युथ क्लवको आयोजनामा आउदो माघ ११ गते खुल्ला पुरुष भलिवल प्रतियोगिता सञ्चालन हुने भएको छ । श्री वसन्त पञ्चमीको अवसरमा खुल्ला पुरुष भलिवल प्रतियोगिता सञ्चालन गर्न लागिएको क्लवका अध्यक्ष राजेन्द्र थापाले जानकारी दिनुभयो । प्रतियोगितामा प्रथम हुने समूहलाई ५० हजार, द्धितिय हुने समूहलाई २५ हजार र तृतीय हुने समूहलाई १५ हजार नगद तथा प्रमाण पत्र र मेडल प्रदान गरीने पनि अध्यक्ष थापाले जानकारी दिनुभयो । प्रतियोगितामा सहभागि हुन चाहने समूहलाई तोकिएको प्रक्रिया पुरा गरी आगामी माघ १० गते सम्म टिम दर्ताका लागि समय तोकिएको क्लवले जनाएको छ । प्रतियोगिता प्रगति मावि स्वाठीको प्राङ्गगणमा सञ्चालन हुने छ ।