प्रोफेसनल एजुकेशन कन्सल्टेन्सी (PEC) द्वारा आयोजना गरिएको थाइल्याण्ड एजुकेशन फेयर २०२५ बिहीबार काठमाडौंमा सफलतापूर्वक सम्पन्न भएको छ। सो कार्यक्रम PEC मुख्य कार्यालय, ७औं तल्ला, श्री कृष्ण सदन, नयाँ बानेश्वरमा बिहान ११ बजेदेखि ४ बजेसम्म सञ्चालन भएको थियो।
कार्यक्रममा नेपाली विद्यार्थीहरूले थाइल्याण्डका शीर्ष विश्वविद्यालयका प्रतिनिधिहरूसँग प्रत्यक्ष भेटघाट गर्ने, छात्रवृत्ति सम्बन्धी जानकारी प्राप्त गर्ने र करियरका अवसरहरूबारे बुझ्ने मौका पाए। ग्लोबल एकेडेमी – सियाम विश्वविद्यालय, थाइल्याण्ड का नेपाल मेनेजर सुजु खड्का ले थाइल्याण्डमा अध्ययन गर्दा प्राप्त हुने गुणस्तरीय शिक्षा र किफायती कार्यक्रमहरूबारे जानकारी दिनुभयो।
बैंकक विश्वविद्यालय इन्टरनेशनल नेटवर्क डेभलपमेन्ट अफिसकी प्रतिनिधि फ्यो थाव टार को ले विद्यार्थीहरूलाई विश्वविद्यालयका विविध पाठ्यक्रम र अन्तर्राष्ट्रिय सहयोगबारे जानकारी गराउनुभयो। स्टामफोर्ड इन्टरनेशनल विश्वविद्यालय का वरिष्ठ काउन्सिलर जर्ज मुराभिएभ ले भर्ना प्रक्रिया, छात्रवृत्ति र करियर अवसरबारे महत्वपूर्ण जानकारी दिनुभयो। साथै, दुसित थानी कलेज का कन्ट्री मेनेजर शशांक चिगतेरी कोटरेश र प्रोफेसनल एजुकेशन की लायजन मेनेजर राजिता श्रेष्ठ ले विद्यार्थीहरू र सहभागी प्रतिनिधिहरूलाई समर्थन र सहभागिताका लागि धन्यवाद व्यक्त गर्नुभयो।
PEC ले ३२ वर्षभन्दा बढीको अनुभव सहित विद्यार्थीहरूलाई उनीहरूको सपना अनुसारको अध्ययन गन्तव्य जस्तै अष्ट्रेलिया, क्यानडा, र यूके सम्म पुग्न मार्गदर्शन गर्दै आइरहेको छ। थाइल्याण्ड एजुकेशन फेयर २०२५ ले नेपाली विद्यार्थीहरूलाई विश्वविद्यालयका प्रतिनिधिहरूसँग प्रत्यक्ष अन्तरक्रिया गर्ने र अन्तर्राष्ट्रिय शिक्षा योजना बनाउन सहयोग पुर्याएको छ।
