नवलपरासी । पश्चिम नवलपरासीको सुनवल नगरपालिकाले निजी क्षेत्रका उद्योगको सहकार्यमा नगरभित्रका महिलाहरूलाई रोजगारी दिने भएको छ । रुपन्देहीको मोतीपुरमा रहेको सौरभ ग्रुपद्वारा संचालित जगदम्बा स्पिनिङ्ग लिमिटेडको सहकार्यमा सुनवल नगरपालिका भित्रका २० जनालाई रोजगारको अवसर दिने भएको हो । सुनवल नगरपालिका र जगदम्बा स्पिनिङ्ग मिल्सले सुनवलमा रोजगार सम्बन्धी अभिमुखीकरण कार्यक्रम आयोजना गरी महिलाहरूलाई रोजगारीको अवसर छोप्न आग्रह गरिएको थियो ।
नगरप्रमुख बिमला आर्यालले चुनावको बेलामा आफ्नो घोषणापत्र गरेको प्रतिबद्धता अनुसार नगरका महिलाहरूलाई रोजगारी पहल सिपमूलक तालिम दिएर रोजगार गर्ने सोही अनुरूप निजी क्षेत्रको सहकार्यमा रोजगारी दिलाउन लागेको नगरप्रमुख आर्यालले बताउनुभयो । नगरप्रमुख अर्यालको पहलमा जगदम्बा स्पिनिङ्ग उद्योग मिल्सले चाहना भएका नगरभित्रका महिलाहरूलाई रोजगारी दिने प्रस्ताव गरेको रोजगारी अवसर छन्न आग्रह गरिएको नगरप्रमुख अर्यालले जानकारी दिनुभयो । उहाका अनुसार विशेष गरी उद्योगमा आर्थिक अवस्था कमजोर र महिला हिंसा परेका महिलाहरूलाई लक्षित गरी रोजगारीको पहल गरिएको बताउनुभयो । कम्पनीमै बसेर रोजगारी गर्न चाहने महिलाहरूलाई काम गर्न अवसर जगम्दबाले दिएको अर्यालले बताउनुभयो । रोजगारी सिप दिएर रोजगारी दिने र आर्थिक रूपमा सबल हुने र आत्मनिर्भर हुन सकेमात्र सबल समाज निर्माण हुने अर्यालले बिश्वास व्यक्त गर्नुभयो ।
उद्योगमा १८ देखी ३५ वर्षभित्रका महिलाहरूलाई ६ महिनासम्म तालिम दिईपछि पूणर्रुपमा तलब दिएर काम लगाईने उद्योगका मुख्य प्रशिक्षक होम नारायण भट्टराईले जानकारी दिनुभयो ।
तालिम अवधिभर पहिलो दुई महिना प्रतिदिन ५सय ७० रुपैयाँको दर पारिश्रमिक दिने र दुई महिना काटेपछि प्रति दिन ६ सय ६५रुपैयाँ पारिश्रमिक उपलब्ध दिने र त्यसपछि दैनिक ९ सय १० रुपैयाँ दरले पारिश्रमिक दिने प्रशिक्षक भट्टराईले बताउनुभयो । महिलाहरूले उद्योगमा दैनिक १२ घण्टा काम गर्नुपर्ने समेत जानकारी दिनुभयो ।
उद्योगमा भिसकस र पोलिस्टर फाईबरबाट धागो उत्पादन हुने गरेको छ । २०६२ सालमा स्थापना भएको सो उद्योगले ६०० बढीलाई रोजगारी दिइरहेको सौरभ ग्रुरुपद्धारा सञ्चालित लक्ष्मी स्टिलका मानव संसाधन तथा प्रशासन प्रमुख दामोदर पौडेलले बताउनुभयो । यहाँ उत्पादन हुने धागो भारतसहित तेस्रो मुलुकमा निर्यात हुने गरेको सौरभ ग्रुरुपका एसआर म्यानेजर तुल्सीराम रेग्मीले जानकारी दिनुभयो ।
