नव-युवाहरुको अन्तर्निहित क्षमता उजागर प्रक्रियामा भूमिका तयार गर्ने संस्था रामग्राम जेसीज बर्ष २०२६ को पदहस्तान्तरण कार्यक्रम शुक्रबार परासीमा सम्पन्न भएको छ ।
रामग्राम जेसीज बर्ष २०२५ का अध्यक्ष विष्णुराज रावको अध्यक्षता एवं जिल्ला समन्वय समिति नवलपरासीका प्रमुख भगौती यादवको प्रमुख आतिथ्यमा कार्यक्रम सम्पन्न गरिएको हो ।
कार्यक्रममा बर्ष २०२५ का अध्यक्ष रावले बर्ष २०२६ का नवनिर्वाचित अध्यक्ष मुकेश लोनियालाई जेसीज चेन हस्तांतरण सहित पदस्थापन गराए लगतै लोनियाले पदभार ग्रहण गर्नु भएको हो ।
लोनियाको नेतृत्वमा कार्यकारीणी उपाध्यक्षमां किरणकुमार गुप्ता र रोशनीकुमारी अग्रहरी वनिया, उपाध्यक्षहरूमां मनिष गुप्ता, अनिरुद्र ठाकुर, अनुरागकुमार अग्रवाल र विकाश ढुँगानाले पनि पदस्थापन गरेका छन् । सचिवमा हेमन्त चौधरी र सह–कोषाध्यक्षमा संजय पौडेलले पदस्थापन गर्नु भएको निर्वाचन आयुक्त मोहन पौडेलले जानकारी दिनुभयो ।
नव पद स्थापित अध्यक्ष २०२६, लोनियाले महासचिवमा पुषा खनाल, कानूनी सल्लाहाकारमा पुरुषोत्तम तिवारी र कोषाध्यक्षमा श्रद्धासुमन आचार्यलाई मनोनित गरी पद तथा गोपनियताको सपथ गराउनु भएको छ ।
कार्यक्रममा रामग्राम जेसीजको रजत बर्षको अवसरमा संयोजकको भूमिका निर्वाह गर्नु भएका पूर्व अध्यक्ष चन्द्रमणी चौधरीलाई शाखाले सम्मान गरेको छ ।
कार्यक्रममा रामग्राम नगरपालिकाकी उपप्रमुख संझना चौधरी, नेपाल जेसीजका निरुपित राष्ट्रिय उपाध्यक्ष नवराज उपाध्यक्ष, जेसीजका पूर्वअध्यक्ष अनिलकुमार उपाध्याय लगायतले बधाई एवं सफल कार्यकालको शुभकामना व्यक्त गर्नुभयो ।
जेसीजले यहि माघ ४ गते रामग्राम जेसीजको २६ औँ शाखा अधिवेशनबाट नयाँ कार्यसमिति सर्वसम्मत चयन भएको कार्यकारीणी उपाध्यक्ष किरण कुमार गुप्ताले बताउनु भयो ।
