काठमाडौं, ३६० एजुकेसन सोलुसन्सले काठमाडौंको पानिपोखरी स्थित आफ्नो नयाँ शाखाको औपचारिक उद्घाटन कार्यक्रम सम्पन्न गरेको छ। कार्यक्रममा विश्वविद्यालय प्रतिनिधि, शैक्षिक परामर्शदाता, साझेदार संस्थाका प्रतिनिधि, सञ्चारकर्मी तथा विशिष्ट अतिथिहरूको उल्लेखनीय उपस्थिति रहेको थियो।
सुव्यवस्थित र पेशागत ढङ्गले सम्पन्न उद्घाटन कार्यक्रममा ३६० एजुकेसनको सेवामूलक दृष्टिकोण र विद्यार्थी–केन्द्रित परामर्श प्रणालीलाई प्रस्तुत गरिएको थियो।
कार्यक्रमको औपचारिक सत्रमा ३६० एजुकेसन सोलुसन्स प्रा.लि. की प्रबन्ध निर्देशक लिजा सेरचन र ३६० एजुकेसनका अध्यक्ष श्री सुबास गौचन ले स्वागत मन्तव्य राख्दै शैक्षिक साझेदार, अभिभावक, विद्यार्थी तथा शुभेच्छुकहरूप्रति आभार व्यक्त गर्नुभयो। उहाँहरूले अन्तर्राष्ट्रिय शिक्षा चाहने विद्यार्थीहरूलाई पारदर्शी, विश्वसनीय र गुणस्तरीय परामर्श प्रदान गर्ने संस्थाको प्रतिबद्धता दोहोर्याउनुभयो।
पानिपोखरी शाखाको औपचारिक उद्घाटनको प्रतीकस्वरूप आयोजित रिबन काट्ने समारोह लिजा सेरचन, श्री सुबास गौचन, श्री सरोज जङ्ग शाही, श्री अनमोल विक्रम थापा र श्री आर्यन जङ्ग थापाले संयुक्त रूपमा सम्पन्न गर्नुभएको थियो।
कार्यक्रमका क्रममा संस्थाका सञ्चालकहरू सरोज जङ्ग शाही, अनमोल विक्रम थापा र आर्यन जङ्ग थापा का साथै उपस्थित विश्वविद्यालय प्रतिनिधिहरूबाट शुभकामना सन्देश प्रदान गरिएको थियो, जसले ३६० एजुकेसन र अन्तर्राष्ट्रिय शैक्षिक संस्थाबीचको सहकार्यलाई अझ सुदृढ बनाउने अपेक्षा व्यक्त गरिएको थियो।
उद्घाटन कार्यक्रमपछि अतिथिहरूबीच चिया–कफीसहित आपसी भेटघाट तथा नेटवर्किङको अवसर प्रदान गरिएको थियो। साथै, सहभागीहरूलाई शाखा कार्यालयको अवलोकन गराउँदै संस्थाले प्रदान गर्ने सेवाहरू, परामर्श प्रक्रिया तथा भावी योजनाबारे जानकारी गराइएको थियो।
३६० एजुकेसनको पानिपोखरी शाखा उद्घाटनले नेपालमा अन्तर्राष्ट्रिय शिक्षा परामर्श क्षेत्रमा संस्थाको पहुँच विस्तार गर्नुका साथै विद्यार्थीहरूलाई अझ नजिकबाट सेवा प्रदान गर्ने दिशामा महत्वपूर्ण कदमका रूपमा लिइएको छ।
