काठमाडौं । UniConsultants Alliance द्वारा आयोजना गरिएको University of Staffordshire Partner Connect Program 2026 कार्यक्रम सफलतापूर्वक सम्पन्न भएको छ। कार्यक्रम काठमाडौंको लेकनाथ मार्गस्थित द मल्ल होटलमा आयोजना गरिएको थियो।
कार्यक्रममा शैक्षिक परामर्श क्षेत्रसँग सम्बन्धित विभिन्न कन्सल्टेन्सी प्रतिनिधि, शैक्षिक साझेदार संस्था, एजेन्टहरू तथा विशिष्ट अतिथिहरूको उल्लेखनीय सहभागिता रहेको थियो। कार्यक्रमको सञ्चालन जेरुसा कालिकोटेले गरेकी थिइन्।
कार्यक्रमको सुरुवात अतिथिहरूको आगमन तथा स्वागतसँगै गरिएको थियो। त्यसपछि UniConsultants Alliance को परिचय, संस्थाको उद्देश्य तथा कार्यक्रमको महत्वबारे जानकारी गराइएको थियो। कार्यक्रममा संस्थाका अध्यक्ष रामशरण ढकाल, प्रमुख कार्यकारी अधिकृत (CEO) रुबा इमान तथा University of Staffordshire का International Regional Manager बाबांगिले एनडिवेनी लगायत विशिष्ट अतिथिहरूलाई औपचारिक रूपमा स्वागत गरिएको थियो।
कार्यक्रममा अध्यक्ष तथा विशेष अतिथिलाई सम्मानस्वरूप खादा तथा बुकी (bouquet) प्रदान गरिएको थियो। राष्ट्रिय गानको प्रस्तुतिपश्चात् CEO रुबा इमानले स्वागत मन्तव्य राख्दै संस्थाको भावी योजना, अन्तर्राष्ट्रिय सहकार्यको आवश्यकता तथा शिक्षा क्षेत्रमा साझेदारीको महत्वबारे प्रकाश पारिन्।
कार्यक्रमको मुख्य आकर्षणका रूपमा University of Staffordshire सम्बन्धी विशेष प्रस्तुतीकरण तथा प्रशिक्षण सत्र (presentation and training session) सञ्चालन गरिएको थियो। उक्त सत्रमा International Regional Manager बाबांगिले एनडिवेनीले विश्वविद्यालयका शैक्षिक कार्यक्रम, अन्तर्राष्ट्रिय विद्यार्थीका लागि अवसर, भर्ना प्रक्रिया तथा नेपालका शैक्षिक साझेदारहरूसँग सहकार्य विस्तारका सम्भावनाबारे विस्तृत जानकारी दिएका थिए।
कार्यक्रमको अन्त्यमा अध्यक्ष रामशरण ढकालले समापन मन्तव्य राख्दै सहभागी, साझेदार संस्था तथा अतिथिहरूप्रति आभार व्यक्त गरे। सो अवसरमा विशेष अतिथिलाई ‘टोकन अफ लभ’ (token of love) प्रदान गरिएको थियो।
औपचारिक कार्यक्रमको समापनपछि आयोजित डिनर तथा नेटवर्किङ सेसनमा सहभागीहरूले आपसी सम्बन्ध विस्तार, अनुभव आदानप्रदान तथा भावी सहकार्यका विषयमा छलफल गरेका थिए।
आयोजकका अनुसार यस कार्यक्रमले नेपालमा अन्तर्राष्ट्रिय शिक्षा क्षेत्रसँग आबद्ध साझेदारहरूबीचको सम्बन्धलाई थप सुदृढ बनाउन र नेपाली विद्यार्थीहरूका लागि वैदेशिक शैक्षिक अवसर प्रवर्द्धन गर्न महत्वपूर्ण भूमिका खेल्ने विश्वास गरिएको छ।
