पश्चिम नवलपरासी । गत पुस १ गतेदेखी ११ गते सम्म पश्चिम नवलपरासीको बर्दघाटमा सञ्चालीत छैठौ बर्दघाट कृषि पर्यटन तथा औद्योगिक व्यापार मेलाको आय व्यय सार्वजनिक गरिएको छ । विहिवार पत्रकार सम्मेलन मार्फत मेला आयोजक बर्दघाट उद्योग बाणिज्य संघले मेलामा भएको खर्च र आम्दानीको विवरण सर्वजनिक गरेको हो । मेलामा कुल ७३ लाख १० हजार ६० रुपैयाँ अम्दानी भएकोमा ६७ लाख ४९ हजार एक सय ६० रुपैया मेला सञ्चालन खर्च कटाई मेलाबाट कुल ५ लाख ५१ ह्जार ९ सय रुपैैया वचत भएको बर्दघाट उद्योग बाणिज्य संघका अध्यक्ष लेखनाथ न्यौपाने जानकारी दिनुभयो ।
अध्यक्ष न्यौपानेका अनुसार मेलामा टिकट विक्रिबाट ३५ लाख एक हजार ६० रुपैयाँ, बाल उद्यानबाट १५ लाख , स्टलबाट १० लाख, प्रायोजकबाट ७ लाख ५० हजार, फिल्डबाट ४ लाख ५० हजार र बैकिङ्ग पार्टनरबाट १ लाख अम्दानी भएको हो । मेलाबाट बचत भएको रकमबाट व्यवसायीका लागि बिपत कोष स्थापना र तालिम प्रदान गर्ने योजना रहेको संघ महासचिव दिनेश न्यौपाने जानकारी दिए ।अपेक्षा गरे अनुसार मेला संफल भएको र करिव डेढ लाख दर्शकले मेला अवलोकन गरेका संंघले जनाएको छ ।
