मानव अधिकार तथा शान्ति समाजको २५ औँ राष्ट्रिय परिषद् बैठक नवलपरासी जिल्ला शाखाको आतिथ्यतामा आजबाट दलित पञ्चकन्याद्वारा उद्घाटन गरी भूमहीमा प्रारम्भ भएको छ । विकासमुखी राजनीति, सेवामुखी राज्यनीति, उद्यममुखी समाज, अधिकारमुखी संस्कृति भन्ने मूल आह्वानसहित प्रारम्भ भएको राष्ट्रिय परिषद्को उद्घाटन सत्रमा शान्ति समाजका संस्थापक सभापति कृष्ण पहाडीले २०६३ /सालको ऐतिहासिक परिवर्तनपछि पनि मानव अधिकार उल्लंघनकर्ता बारम्बार पुरस्कृत भएका कारण मानव अधिकार संस्कृति निर्माण र विस्तारमा बाधा पुगेको धारणा व्यक्त गर्नुभयो ।
दण्डहीनतालाई बढावा दिएका कारण लोकतान्त्रिक मुल्य र मान्यतामाथि निरन्तर प्रहार भइरहेको र यसमा प्रमुख राजनीतिक दल र शिर्ष नेताहरु नै दोषी रहेको पहाडीले बताउनुभयो । उद्घाटन सत्रमा संविधानसभा सदस्य विनोद पहाडी, वरिष्ठ अधिवक्ता डिल्लीराज धिताल, नेपाली कांग्रेसका कुलदिप आचार्य, नेकपा एमालेका डोलराज भण्डारी, माओवादी केन्द्रका रामानन्द यादव, जसपाका शेषनारायण साहानी, शान्ति समाजका सल्लाहकारद्वय होमकान्त चौलागाई र उत्तम पुडासैनी, पूर्व सभापति डा. गंगाधर अधिकारी, वरिष्ठ उपसभापति सुशिल बस्नेत, महासचिव रामकृष्ण बराल, सचिव मिना ढकाल लगायतले मन्तव्य व्यक्त गर्नुभएको थियो ।
सो अवसरमा कवि अर्जुन पराजुली र सुदेश सत्यालले कविता समेत प्रस्तुत गर्नुभएको थियो । कार्यक्रममा शान्ति समाजको काठमाण्डौ शाखालाई वर्ष २०७८–७९ को उत्कृष्ट शाखाका रुपमा र गत वर्ष सफलताका साथ राष्ट्रिय परिषद् बैठक आतिथ्यता गर्ने कपिलवस्तु शाखालाई प्रशंसापत्र प्रदान गरिएको थियो । य सैगरी आजै गते दिउँसो भूमहीमा शान्ति हाम्रो अधिकार भन्ने आह्वानसहित शान्ति र्याली सम्पन्न भएको थियो भने साझँ शान्ती काव्य कार्यक्रम समेत सम्पन्न भएको थियो । २५ औ राष्ट्रीय परिषद बैठकमा शान्ति समाजका जिल्ला शाखाहरुबाट प्रतिनिधि र पर्यवेक्षक गरि करिव तीन सय जनाको सहभागिता रहेको छ ।
उद्घाटन कार्यक्रम मानव अधिकार तथा शान्ती समाज केन्द्रीय समित सभापति गोबिन्द खनालको अध्यक्षता मूल तयारी समिति संयोजक सन्तोष अधिकारी क्षेत्रीको स्वागत र नवलपरासी जिल्ला सभापति गणेश न्यौपानेको सञ्चालनमा भएको थियो । साथै समाजले भोलि आगामी २ बर्षका लागी नयाँ नेतृत्व समेत चयन गर्ने मानव अधिकार तथा शान्ती समाज नवलपरासीका सचिव शिव प्रसाद पौडेलले बताउनु भयो ।
