पश्चिम नवलपरासी । पश्चिम नवलपरासीको भुमही-परासी भित्री सडकखण्ड अन्र्तगत सुनवल १२ भुमही नजिकै बस र कार दुर्घटना हुदा कारमा सवार एक जनाको ज्यान गएको छ । दुर्घटनामा अन्य ५ जना घाईते भएका छन् । आज सोमवार दिउसो करिव साढे १ बजेको समयमा दक्षिणबाट उत्तरतर्फ आउदै गरेको लु २ ख १२२६ नंको यात्रुवाहक बस र विपरित दिशाबाट जादै गरेको बाग्मती प्रदेश ०१-०२५ च ३८९७ नं.को कार एक आपसमा ठोकिदा कार चालक अर्घाखाँची स्थाई घर भई हाल कपिलवस्तुको वाणगंगा नगरपालिका ८ मधुवन बस्ने ३६ बर्षका ईन्द्रमणी पौडेलको ज्यान गएको हो ।
कारमा सवार अन्य घाईतेमा कपिलवस्तु वाणगंगा नगरपालीका वडा नम्बर ८ मधुवनका ३१ बर्षका पुणर् बहादुर राना, सोही स्थानका २८ बर्षका मनोज कुमार परियार, नवलपरासी पूर्व बुलिङटार गाउँपालिकाका २७ बर्षिय गंगा गोदामी, कावासोती नगरपालीका देउरालीका १८ बर्षका डल बहादुर बराल र अर्घाखाँची शितगंगा नगरपालिका वडा नं. ६ का स्थाई घर भई हाल रुपन्देहीको सालझण्डी बस्ने अन्दाजी ३७ बर्षका खेम बहादुर रेश्मी मगर रहेका छन् ।
घाईतेहरुको हाल लुम्बिनी प्रादेशिक अस्पताल बुटवलमा उपचार भईरहेको जिल्ला प्रहरी कार्यालय पश्चिम नवलपरासीका प्रहरी नायव उपरिक्षक एवम् सूचना अधिकारी भोजराज पाण्डेयले जानकारी दिए । बस चालक फरार रहेकोले खोज तलास कार्य भईरहेको जिल्ला प्रहरी कार्यालय नवलपरासीले जनाएको छ ।