पश्चिम नवलपरासी । महेशपुर सिमा नाका नजिक निर्माण भइरहेको व्यापारीक सडकमा निर्माण कम्पनीले कमसल निर्माण सामाग्रीको प्रयोग गरेको पाईएको छ । पश्चिम नवलपरासीको महेशपुर–परासी–सुनवल सडकखण्ड स्तरोन्नती र निर्माणको जिम्मा पाएको कम्पनीले सडक निर्माणमा गुणस्तरहीन सामाग्री प्रयोग गरे पछि सडकको गुणस्तरीयता माथि प्रश्न खडा भएको छ ।
सडक निर्माणको जिम्मा पाएको प्रदिप सामर्थ जेभी कन्स्ट्रक्सनले सोही सडकखण्ड अन्र्तगत नाली निर्माणमा कमसल सामाग्रीको प्रयोग गरेको पाईएको हो । निर्माण कम्पनीले एक नम्बरी पक्कि इट्टाको प्रयोग गर्नूको सट्टा कमसल इट्टा लगायत अन्य सामाग्री प्रयोग गरेको स्थानियवासीले बताए ।
बाटो बन्ने खुसीको विषय भए पनि निर्माण कम्पनीले घर निर्माणमा समेत प्रयोग नहुने इट्टा नाली निर्माणमा प्रयोग गरिएका छन् । कतिपय स्थानमा निर्माण गरिएको नाली पनि काम नसकिदै भत्किएको देख्न सकिन्छ ।
उक्त स्थानमा दलदलको माटो रहे पनि ठेकेदारले नाली ढलानमा कमसल इट्टाको प्रयोग हुँदा स्थानिय चिन्तित छन् । नाली सफा नगरी ढकन राखिएकोले भोलिका दिनमा समस्या हुने बताए ।
होडिङ्ग बोर्ड त झन् राखिनुपर्ने स्थान भन्दा अन्यन्त्र वेवारीसे अवस्थामा फालिएको छ । स्थानियले सिधा रोड बनाउनुपर्नेमा ठाँउठाँउमा बाङ्गगो भएको गुनासो पनि गरे । स्थानियले भत्किरहेका नाली सडकलाई पुनः बनाउन माग गरेका छन् ।
सडक विभाग व्यापारीक सडक सुधार परियोजना वेलहिया– बुटवल सडक–मनिग्राम रुपन्देही अन्र्तगत निर्माण भईरहेको सो सडकखण्डको ३३५ मिटर सडक निर्माणका लागि गत वैसाख २२ मा सम्झौता भई असार २० मा पुरा गर्ने गरी प्रदिप सामर्थ जेभी कन्स्ट्रक्सनले रु.२ करोड ८१ लख ३९ हजार ३ सय ७१ ठेक्का लिएको थियो ।
निर्माण कम्पनीको लापरवाही तथा सम्बन्धित आयोजना कार्यालयको प्रभावकारी अनुगमन, निरिक्षण र नियमन हुन नसक्दा सडक निर्माणको काममा ढिलासुस्तीसंगै गुणस्तरहिन काम भएको हो । यसमा सम्बन्धित निकायले वेलैमा ध्यान पु्याउनुपर्ने आवश्यकता देखिन्छ ।
