सुनवल।साविक बमोजिम नै व्यवसाय सञ्चालनको माग गर्दै नवलपरासीका लेखापढी कानून व्यवसायीहरुले प्र्रशासन कार्यालयमा ज्ञापन पत्र बुझाएका छन् । सोमवार प्रमुख जिल्ला अधिकारी विश्व प्रकाश अर्याललाई ज्ञापन पत्र बुझाउदै लेखापढी कानून व्यवसायीहरुले केही समय अघि जिल्ला प्रशासन कार्यालयले प्रशासन परिषरमा लेखापढी कानुन व्यवासायी मार्फत सेवाग्राहि जनताहरुले प्राप्त गर्ने सेवा, सहयोग लगायतका सुविधाहरु बन्द गरेकोमा पुनः वैधानिक तवरबाट साविक बमोजिम नै व्यवसाय संचालनको माग गरेका छन् ।ज्ञापनपत्रमा लेखापढी कानुन व्यवासायी मार्फत सेवाग्राहि जनताहरुले प्राप्त गरेका सेवा, सहयोग लगायतका सुविधाहरु बन्द हुदा लेखापढि कानून व्यवसायीसँग सम्पर्क नराखी सिधै कार्यालयमा प्रवेश गर्दा जनताहरुलाई अन्योलको वातावरण सृजना हुन गएको जनाएको छ । मोबाइलबाटै ई-पासपोर्ट लगायत राहदानी फारम समेत भर्ने व्यवस्था हाल आएर बन्द गरिने भए पछि आफुहरु आफ्नो पेशा प्रति चिन्तीत रहेको जनाएको छ । नेपाल सरकारले प्रदान गरेको अनलाइन सेवा सुविधा प्राप्त गर्न टोकन समेतको व्यवस्था भएमा सम्बन्धित कार्यालयमा आउने सेवाग्राही वर्गमा ठप्प सुविधा प्रदान हुन जाने उनिहरुले बताएका छन् । लेखापढी कानून व्यवसायीहरुले हालको निणर्यलाई निरन्तरता दिएमा सेवाग्राहीहरु आफ्नो काम गर्न नसक्ने र अर्कोतिर लेखापढी कानून व्यवसायीहरुको पेशा समेत प्रत्यक्ष रुपमा प्रभावित हुने बताएका छन् ।
हेर्नुहोस् ज्ञापन पत्र:
