खुरसेद हजाम ,नवलपरासी ।
पश्चिम नवलपरासीको प्रतापपुर गाउँपालिका वडा न ६ गूठी प्रसौनीमा लागु पदार्थ ओसारपसार तथा दुर्व्यसन विरुद्ध सचेतना मुलक कार्यक्रम सम्पन्न भएको छ ।
इन्द्रेणी सामाजिक विकास मन्चकाे आयोजना र युनाईटेड मिसन टु नेपालको सहयोग तथा प्रतापपुर गाउँपालिका वडा नम्बर ६ स्थित माउन्ट एभरेस्ट युवा क्लबको सहकार्यमा लागु पदार्थ ओसारपसार तथा दुर्व्यसन विरुद्ध सचेतनामुलक कार्यक्रम सम्पन्न भएको हाे ।
क्लबका अध्यक्ष अमर यादवको अध्यक्षता तथा प्रतापपुर गाउँपालिका वडा न ६ का वडा अध्यक्ष केशव प्रसाद अधिकारीकाे प्रमुख आथित्यतामा सम्पन्न भएको कार्यक्रममा बाेल्दै प्रमुख अतिथि अधिकारीले नयाँ पुस्ताका युवाहरु लागू पदार्थ जस्ता दुर्व्यसनकाे सिकार हुदै गएको बताए ।
छिमेकी देश भारतकाे सिमा पारिबाट लागू पदार्थ दुर्व्यसन जस्ता विभिन्न किसिमका नशालु पदार्थ नेपाल भित्र्याएर आफू र आफू मातहतका युवाहरुलाई समेत लागू पदार्थ सेवन गर्न बाध्य बनाएर युवाहरूलाई त्यस्ता गैरकानुनी कार्य र सेवनकाे सिकार समेत गराएको पाईएकाे बताउँदै अधिकारीले त्यस्ता दुर्व्यसनकाे सिकार हुनबाट युवाहरू लाई परिचालन गरि विभिन्न किसिमका सचेतना मुलुक कार्यक्रम सञ्चालन गरेर समाजलाई सचेत गराउन सहयोग पुर्याउने इन्द्रेणी सामाजिक विकास मन्च र युनाईटेड मिसन टु नेपाल तथा माउन्ट एभरेस्ट युवा क्लबका सम्पूर्ण सदस्य तथा सहयोगी दाताहरुलाई धन्यवाद ब्यक्त गर्नुभयो ।
उक्त कार्यक्रममा क्लबका ४७ सदस्यहरु, आयुर्वेदिक शाखा प्रमुख दिन बन्धु मिश्र ,गुठी प्रसौनी चौकी प्रमुख लगाएत स्थानीय बासिहरुकाे सहभागीता रहेको थियो ।
कार्यक्रम सम्पन्न पस्चात क्लबका ४७ सदस्यहरु बाट लागु पदार्थ ओसारपसार तथा दुर्व्यसन विरुद्ध सचेतना र्यालि निकालिएकाे थियो। उक्त र्यालिमा लागू पदार्थ खान्छौ जानी नजानी शरीरमा गर्छ एसले हानी, मुलक नाराका साथ गूठी प्रसौनी गाउँ मा र्याली निकालिएकाे थिए ।
अतिथी माउन्ट एभरेस्ट युवा क्लब उपाध्यक्षले आगामी दिनमा यस्ता कार्यक्रमहरुलाई निरन्तरता दिने र अरु कार्यक्रमहरुलाई पनि अभियानको रुपमा सहकार्य गरि सञ्चालन गर्ने बताएका थिए ।
