सुनवल । कृषि तथा औधोगिक उत्पादनको प्रवद्र्धन गर्ने उदेश्यले पश्चिम नवलपरासीको सुनवलमा सञ्चालन भएको दोस्रो सुनवल औधोगिक व्यापार मेला आज मंङगलवार सकिएको छ । गत माघ १० गते देखी उद्योग वाणिज्य संघ सुनवलको आयोजनामा भएको औधोगिक व्यापार मेलामा बाल उद्यान, कृषि प्रदर्शनी,संग्राहलय सामग्री प्रदर्शनी, विज्ञान कला प्रदर्शनी, जातीय पहिचान झल्कने घर र सामग्री प्रदर्शनी, औद्योगिक उत्पादनहरुको प्रदर्शनी, कल्चर स्टे प्रदर्शनी र कृषि र पर्यटनको सिकाइ प्रदर्शनी रहेको थियो ।
समापन समारोहलाई सम्बोधन गर्दै सुनवल नगर प्रमुख विमला अर्यालले औधोगिक विकास विना मुलुकको समृद्धि सम्भव नभएको भन्दै त्यसका लागि राज्यले औधोगिक बाताबरणको सिर्जना गर्नुपर्ने बताउनुभयो । निरन्तर मेला महोत्सवको आयोजना गर्दा विगतका मेलाबाट प्राप्त उपलब्धी बारे समिक्षा हुनुपर्ने नगर प्रमुख अर्यालको भनाई थियो । उहाले मेला महोत्सवको आयोजना गर्दा स्थानिय व्यापारीलाई प्राथमिकता दिनुपर्नेमा जोड दिनुभयो ।
१५ दिन सम्म चलेको मेलाको समापन गर्दै उधोग वाणिज्य संघ सुनवलका अध्यक्ष रमेश कर्माचायले कृषिजन्य उत्पादनहरुको वजार विस्तार, बजारमा तरलताको स्थिति सुधार गर्न तथा बैंक तथा वित्तिय संस्थाको कारण समस्यामा परेका उद्योगी व्यवसायी एवं सर्वसाधारणलाई राहत दिई आर्थिक गतिबिधि चलायमान गराई राख्न यथा सघ्र प्रभावकारी पहलको लागि नगरप्रमुखको ध्यानाकर्षण गराउनुभएको थियो ।
मेला समापन कार्यक्रममा सुनवल नगरपालिकाका उपप्रमुख सुर्य प्रसाद दुवे , उद्योग वाणिज्य संघ नवलपरासीका अध्यक्ष केशव भण्डारी , उद्योग वाणिज्य महासंघ लुम्बिनी प्रदेशका अध्यक्ष कृष्ण प्रसाद अधिकारी लगाएतले आ आफ्ना भनाईहरु राख्नु भएको थियो।मेलाको अन्तिम दिन आज राष्ट्रिय कलाकारहरु चर्चित गायक पुस्कल शर्मा, बसन्त लम्साल , समिक्षा बिसी , तीर्थ सापकोटा लगाएतको प्रस्तुति रहेको थियो ।
