सुनवल । प्रथम बिग बुद्द कप प्रथम खुल्ला नक आउट फुटवल प्रतियोगितामा आयोजक विजय भएको छ । नव नेपाल किसान युवा क्लव दबिल्लालाई पेनाल्टीमा ५-४ गोलअन्तरले पराजित गर्दै आयोजक बिग बुद्द कल्व रातो विजय भएको हो । निर्धारित समयमा कुनै पनि समुहबाट गोल हुन नसके पछि खेल ट्राईवे्रकरमा गएको थियो ।
यससंगै बिजेता बिग बुद्द कल्व रातोले १ लाख ५ हजार रुपैयाँ र उपबिजेता नव नेपाल किसान युवा क्लवले ६१ हजार ५ सय रुपैयाँ नगद सहित शिल मेडल प्रमाण पत्र प्राप्त गरेका छन। त्यस्तै उत्कृष्ट खेल प्रदर्शन गर्ने टिम, उत्कृष्ट खेलाडी र उत्कृष्ट गोलकिपरलाई पनि नगद,मेडल र प्रमाण पत्र प्रदान गरिएको थियो।
क्लबका अधक्ष्य संजिव लामाको अध्यक्षतामा भएको समापन कार्यक्रममा बोल्दै प्रमुख अतिथी लुम्बिनी प्रदेश सभा सदस्य खड्ग बस्नेतले खेल क्षेत्र र खेलाडीको बिकासका लागि स्थानिय, प्रदेश र संघिय सरकार लागि पर्ने बताउनुभयो ।
बिग बुद्द क्लब सुनवल ६ नवलपरासीको आयोजनमा गत माघ ९ गतेदेखि सुरु भएको प्रतियोगितामा १७ टिमको सहभागीता रहेको थियो। ह्यापी नाथ कुवरको स्वागत मन्तव्य रहेको समापन कार्यक्रमको संचालन विष्णु पाण्डेले गर्नुभएको थियो ।
