न्यूज फायर, सुनवल। पश्चिम नवलपरासीको सुनवलमा आज देखी तयारी पोशाक बनाउने तालिम सुरु भएको छ । घरेलु तथा साना उद्योग कार्यालय पश्चिम नवलपरासीको आयोजना तथा सुनवल वडा न. ४ को समन्वयमा तीन महीने तयारी पोशाक बनाउने तालिम सञ्चालन गरिएको हो । तालिमको आज एक कार्यक्रमका विच सुनवल नगरप्रमुख विमला अर्यालले उद्घाटन गर्नुभएको छ ।
तालिमको समुद्घाटन गर्दै नगर प्रमुख अर्यालले शिप विकास गरी स्वरोजगार बन्न उत्पे्ररित गर्ने यस किसिमका तालिमबाट दक्षता हासिल गरी आत्मनिर्भर बन्नुपर्नेमा जोड दिनुभयो । उहाले नगरपालिकाले पनि शिप विकासका तालिमहरु सञ्चालन गरिरहेको बताउनुभएको थियो ।
घरेलु तथा साना उद्योग कार्यालय नवलपरासीको स्वीकृत वार्षिक कार्यक्रम अन्र्तगत भगत सर्वजित शिप विकास कार्यक्रम अन्र्तगत तालिम संचालन गरिएको प्रमुख गंगाधर पाण्डेले जानकारी दिनुभयो ।
कार्यक्रममा सुनवल वडा नं ४ का वडाध्यक्ष बालकृष्ण पंगेनी, पुर्व वडाध्यक्ष विर बहादुर गुरुङ, वडा सदस्य लक्ष्मण श्रेष्ठ, कुमीशरा विक लगायतले तालिम बाट सिकेको सीप लाई व्यवहारमा उतारेर उद्यमशील हुनु पर्ने बताउनु भएको थियो।
तालिममा २१ जनाको सहभागिता रहेको छ । तिन महिना सम्म संचालन हुने उक्त तालिममा प्रशिक्षकहरु देवी नेपाली परियार र विष्णु माया परियारले प्रशिक्षण दिनुहुने छ ।
