न्यूज फायर,सुनवल। नेपाल रेडक्रस सोसाईटी जिल्ला शाखा पश्चिम नवलपरासीको पाचौ जिल्ला सभा तथा दोस्रो अधिवेशन रेडक्रस उपशाखा सुनवलको सभाहलमा सम्पन्न भएको छ ।
नेपाल रेडक्रस सोसाईटीका जिल्ला सभापति राजेन्द्र प्रसाद अग्रहरीको अध्यक्षता तथा सुनवल नगर प्रमुख बिमला अर्यालको प्रमुख आतिथ्यतामा सम्पन्न कार्यक्रममा नगर प्रमुख अर्यालले सेवा नै धर्म हो भन्ने भावनाबाट पे्ररित भएर आफू सानैबाट रेडक्रसमा लागेको र त्यसवाट नै विभिन्न माध्यमबाट आफूले विभिन क्षेत्रमा सेवा गरेको बताउनुभयो ।
स्थानीय सरकारले सवै क्षेत्रलाई उत्तिकै महत्व दिएर काम गर्ने उहाको भनाई छ । समृद्ध नेपाल सुखि नेपाली बन्न आफ्ना दायित्व भित्र पर्ने जिम्मेवारी पुरा गर्नुपर्ने नगरप्रमुख अर्यालले बताउनुभयो ।
उपसभापति कृष्ण प्रसाद लामिछानेकोे स्वागत मन्तव्य रहेको कार्यक्र्रममा नेपाल रेडक्रस सोसाईटि निर्वतमान् केन्द्रिय अध्यक्ष प्रोफेसर सुर्दशन नेपाल, प्रतापपुर गाउँपालिकाका अध्यक्ष उमेश चन्द्र यादव, जिल्ला सदस्य एवंम सुनवल उपशाखाका उपसभापति रुद्र कुमारी कण्डेल , जिल्ला शाखाका सस्थापक एवम पूर्व सभापति प्रभाकर सिंह थापा, सुनवल वडा नम्बर ४ का वडाअध्यक्ष बाल कृष्ण पंगेनी , नेपाल रेडक्रस सोसाईटी रुपन्देहीका सभापति एवम निर्वाचन संयोजक दिपक क्षेत्री लगायतले रेडक्रसमा आबद्घ भएर के पाउँछु भन्दा पनि आफुले कति सहयोग गर्न सकिन्छ भन्ने भावना लिएर संस्थामा आउन आग्रह गर्नुभयो ।
कार्यक्रममा मन्त्री ऋषिराम सुवेदीले चालु आर्थिक वर्ष २०७९/ ०८० को माघ सम्म भए गरेको क्रियाकलापहरु, आर्थिक वर्ष २०७८ /०७९ र चालु आर्थिक वर्ष २०७९/०८० को माघ सम्मको लेखापरिक्षणका मुख्य अंशहरु तथा आगामी आर्थिक वर्ष २०८० /०८१ को प्रस्तावित कार्यक्रम तथा बजेट सहित समावेश गरी तयार गरिएको वार्षिक प्रतिवेदन प्रस्तुत गर्नु भएको थियो ।
कार्यक्रममा कोषाध्यक्ष रामकुमार गुप्ताले आव २०७८/७९ को लेखा परिक्षण प्रतिवेदन र आगामी आवको आयव्ययको प्रस्तावित वजेट प्रस्तुत गर्नुभएको थियो ।
आजै हुने भनिएको दोस्रो अधिवेशन भने आगामी फाल्गुन २० गर्ने गर्ने निणर्य भएको निर्वाचन संयोजक क्षेत्रीले जानकारी दिनुभयो ।
