नवलपरासी । जिल्ला समन्वय समिति पश्चिम नवलपरासीको आफ्नै प्रशासनिक भवन निर्माण हुने भएको छ । रामग्राम ४ स्थित आफ्नै जग्गामा निर्र्माण हुने प्रशासनिक भवनको आज एक कार्यक्रमका विच जिल्ला समन्वय समितिका प्रमुख भगौती यादवले शिलान्यास गर्नुभएको छ ।
रु ७ करोड ९० लाख ६५ हजार लागतमा निर्माण सम्पन्न गर्ने गरी आकृर्ति पशुपति एभरेष्ट जेभी बुटवलले निर्माणको जिम्मेवारी पाएको छ । आगामी १८ महिना भित्र सुविधा सम्पन्न दुई तले भवन निर्माण गरिने प्रमुख यादवले बताउनुभयो ।
कार्यक्रममा पूर्व रक्षाराज्यमन्त्री रामबचन यादव, सुनवल नगरपालिकाका नगर प्रमुख बिमला अर्याल, जिल्ला समन्वय समितिका उपप्रमुख रामदयाल गुप्ता, रामग्राम नगरपालिकाकी नगर उपप्रमुख सम्झना चौधरी, प्रमुख जिल्ला अधिकारी विश्व प्रकाश अर्याल, जनता समाजवादी पार्टीका जिल्ला अध्यक्ष धरेन्द्र यादव लगायतले शुभकामना व्यक्त गर्नुभएको थियो ।
