नवलपरासी । नेपाल तमू ( गुरुङ ) विद्यार्थी छोंज धीं,जिल्ला कार्यसमिति नवलपरासीले ११३ औं अन्तराष्ट्रिय श्रमिक महिला दिवसको अवसरमा जिल्लाका विभिन्न स्थानमा नारी सचेतता कार्यक्रम सँगै निःशुल्क रुपमा सेनिटरी प्याड वितरण गरेको छ ।
संस्थाकी अध्यक्ष सोमिया गुरुङको नेतृत्वमा संस्थाका पदाधिकारी र सदस्यहरुको उपस्तिथिमा घरदैलो महिला सचेतता कार्यक्रम तथा सेनेटरी प्याड बितरण गरेको थियो। फागुन १९ गते देखी सुरु भएको कार्यक्रम आज समापन भएको संस्थाका वरिष्ठ उपाध्यक्ष खेम बहादुर गुरुङले बताउनुभयो ।
देशमा स्थानीय स्वास्थ चौकीहरुबाट महिलाहरुलाई अति आवश्यक सेनेटरी प्याडहरु वितरण हुन नसकेको, महिला स्वास्थ्यमा खासै लगानी हुन नसकेको र सेनेटरी प्याड जस्तो बिषयमा स्थानीय सरकारले विशेष पहल गर्नुपर्ने र सर्वसुलभ हुनु पर्ने भन्दै संस्थाकि अध्यक्ष गुरुङले सरकारसंग अनुरोध पनि गर्नुभयो ।
संस्थाले स्थापना कालदेखि नै गुरुङ भाषा, संस्कार, संस्कृतिको संरक्षण, सम्बर्द्धन तथा गुरुङ विद्यार्थीहरुको हक हित अधिकारको निम्ति विभिन्न कार्यक्रम तथा अभियान गर्दै आएको संस्थाका प्रचार सचिब सोम गुरुङले जानकारी दिनुभयो ।
