सुनवल । संघीय मामिला तथा प्रशासन मन्त्रालयको पत्र बमोजिम नवलपरासि पश्चिमको सुनवल नगरपालिकामा सरुवा भएर आएका प्रमुख प्रसाशकिय अधिकृत नगरपालिका कार्यालयमा हाजिर हुन नसक्दा सेवाग्राही मर्कामा परेका छन्। सुनवल नगरपालिकामा विगत १० दिन देखि प्रमुख प्रशासकीय अधिकृत नहुँदा नगरपालिकाले सञ्चालन गर्दै आएका सम्पूर्ण विकासका आयोजनासमेत प्रभावित हुँदै आएको छ ।
प्रमुख प्रशासकीय अधिकृत नहुँदा सामाजिक सुरक्षा(वृद्ध)भत्ता, विद्यार्थी, सुत्केरी भत्ता,लागुऔषधि खरिद, विद्यालयका पाठ्यपुस्तक खरिद,कर्मचारीको तलब,निर्माण सम्पन्न योजनाको रकम भुक्तानी नहुँदा पारिश्रमिकबाट वञ्चित हुनुका साथै विकास निर्माणका सम्पूणर् काम तथा गतिविधि पूणर्रूपमा ठप्प छन।
प्रमुख प्रशासकीय अधिकृतको अभावमा नगरपालिकाको दैनिक कामकाज सञ्चालन, योजना सम्झौता, अनुगमनदेखि आर्थिक कारोबार पूणर्रूपमा ठप्प छ ।
कार्यालयको काममा ढिलाइ हुँदा नगरका सर्वसाधारण मारमा परेका छन् ।
तर कार्यलय हाजिर हुन गएका गौतमलाई नगर प्रमुख विमला अर्यालले आफ्नो पार्टीको कर्मचारी नभएको भन्दै हाजिर गर्न नदिएको आरोप छ । चालु आवको केही महिना मात्र वाकि रहदा विकास योजनाका काममा आएका बजेट अधिकृत अभावमा त्यतिकै फ्रिज हुने होकि भन्ने नगरवासीको चिन्ता छ ।
