पुजा लम्साल, सुनवल । आर्थिक रुपमा विपन्न दलित महिलाहरुको सिप विकासका लागि पश्चिम नवलपरासीको सुनवल वडा नं १ मा सञ्चालित १२ दिने डल कुशन बनाउने तालिम आज समापन भएको छ ।
दलित वर्ग उत्थान कार्यक्रम उपभोक्ता समितिको आयोजनामा गत वैशाख ३ देखी सञ्चालित तालिमको महिला उद्यम केन्द्रको सभाहलमा आज एक कार्यक्रमका विच समापन गरिएको हो ।
उपभोक्ता समुहका अध्यक्ष प्रकाश विकको अध्यक्षता तथा सुनवल वडा नं १ का वडाध्यक्ष मनबहादुर थापाको प्रमुख आतिथ्यतामा सम्पन्न कार्यक्रममा वडाअध्यक्ष थापाले महिला,वालवालिका, खेलकुद, लगायत विभिन्न क्षेत्रमा वडाले बजेट विनियोजन गरिएको बताउदै यस किसिमको तालिमले स्वरोजगारी सिर्जना मार्फत जिविकोपार्जनमा सहयोग पुर्याउने विश्वास व्यक्त गर्नूभयो ।
महिला उद्यम केन्द्रबाट उत्पादीत बस्तु संकलन गरी वजारीकरणका लागि नगरमा बहुउदेश्यिय भवन बन्दै गरेकाले सिपको सही सदुपयोग गरी सफल व्यवसायी हुनुपर्ने भनाई राख्नुभयो । हिंसा पिडित महिलाको उद्धार र सुरक्षाका लागि महिला सेफ हाउस पनि बन्दै गरेको पनि जानकारी दिनुभयो ।
कार्यक्रममा नगर स्तरीय दलितउत्थान केन्द्रका अध्यक्ष शिव बहादुर विकले तालिमको मात्र भर नपर्न र आफ्नो थप सिप विकासमा लाग्न प्रशिक्षार्थिलाई आग्रह गर्नुभयो । तालिमलाई बजेट अपुग भएकाले आगामी दिनमा प्रयाप्त बजेट विनियोजन गर्न पनि माग गर्नुभयो ।
प्रशिक्षार्थि सदिक्षा गोतामे र रामकुमारी विकले अझै एडभान्स तालिम ल्याउन आग्रह गर्नुभयो । कार्यक्रममा दलित महिला सदस्य वालकुमारी परियार, नगर स्तरीय दलित उत्थान केन्द्रका सदस्य मनबहादुर विक लगायतको उपस्थिति रहेको थियो ।
उपभोक्ता समुहका कोषाध्यक्ष दिपु परियारको स्वागत मन्तव्य रहेको कार्यक्रमको संचालन राधा विकले गर्नुभएको थियो ।
सो अवसरमा तालिममा सहभागि २७ जनालाई प्रमाणपत्र पनि वितरण गरिएको थियो । सो तालिममा प्रशिक्षक टिका मल्लले प्रशिक्षण दिनुभएको थियो ।
