सुनवल । रेडियाे सन्देश ८९.८ मेगाहर्ज सुनवलले नव वर्ष २०८० को सालको भित्तेपात्राे विमाेचन गरेकाे छ । २०७५ सालबाट आफ्नो प्रसारण यात्रा सुरु गरेको रेडियोले शुक्रबार एक कार्यक्रमका बिच भित्तेपात्रो विमोचन गरेको हो ।
रेडियाे सन्देश ८९.८ मेगाहर्जका अध्यक्ष नन्दु कँवरकाे अध्यक्षता तथा सुनवल नगरपालिकाका पूर्व नगर प्रमुख भिम बहादुर थापा क्षेत्रीको प्रमुख आतिथ्यता रहेको कार्यक्रममा प्रमुख अतिथि थापाले समाजमा हुने गलत कामलाई संचारकर्मीले यथार्थ रूपमा प्रस्तुत गर्न सक्नु पर्ने वताउनु भयो ।
उहाँले रेडियाे सन्देश र पत्रकारहरुलाई कुनै पनि अवस्थामा आफुले साथ सहयाेग गर्न तत्पर रहने बताउनुभयो । आफु नगर प्रमुख हुदा नगरपालिकामा १ कराेड बराबरको स्वास्थ्य सामाग्री हुदा हुदै पनि त्यतिकै लथालिङ्ग अवस्थामा रहेकाेले नगरपालिकाकाे त्यसतर्फ ध्यानाकर्षण गराउदै १५ बेडकाे नगर भित्र अस्पताल सञ्चालन गर्न सकिने बताउनुभयो ।
विमाेचन कार्यक्रममा उधाेग वाणिज्य संघ सुनवलका अध्यक्ष रमेश कर्मचार्य, सुनवल प्रेस क्लबका अध्यक्ष रमेश भुसाल, पत्रकार राज चाैधरी,सुरेश यादव,रन्जित शर्मा र रडियाे सन्देशका कर्मचारीहरुकाे उपस्थिति रहेकाे थियाे भने उक्त कार्यक्रमको सञ्चालन पत्रकार कल्पना खरेलले गर्नुभएको थियाे ।
