सुनवल । पश्चिम नवलपरासीको सुनवलमा छैठौं मेयर कप फुटबल प्रतियोगीता हुने भएको छ । शनिवार पत्रकार सम्मलन गर्दै आगामी जेठ ६ गते देखि २० गते सम्म सुनवल १० गौडाखाल स्थित मनकामना रंगशालामा प्रतियोगिता आयोजना गरिएको छैठौं मेयर कप फुटवल प्रतियोगीता उपभोत्ता समितिका अध्यक्ष जित वहादुर पुनले जानकारी दिनुभयो ।
नगरभित्रका सवै १३ वटै वडाहरुले प्रतिस्पर्धा गर्ने फुटवल प्रतियोगीतालाई ए र बि गरि दुई पोलमा विभाजन गरिएको छ । पहिलो खेल पोल ए अन्तर्गत वडा नम्वर १ र ५ विच हुने अयोजकले जनाएको छ ।
खेलमा विजेता टिमले नगद रु १ लाख ४० हजार , उपविजेता हुने टिमले ८० हजार र सेमिफाइनलिस्ट टिमले रु २५/२५ हजार प्राप्त गर्ने आयोजकले जनाएको छ । त्यस्तै विभिन्न विधामा रहेर उत्कृष्ट खेल प्रस्तुत गर्ने खेलाडिहरुलाई समेत नगद सहित सम्मान गरिने आयोजकले जनाएको छ ।
पश्चिम नवलपरासी फुटवलसंगै विभिन्न खेलकुद क्षेत्रको उर्वर भुमिका रुपमा रहेको छ । यस जिल्लाबाट राष्ट्रिय फुटवल खेलाडी विमल घर्तिमगर लगाएतका खेलाडीहरुले राष्ट्रकै प्रतिनिधित्व गरेका छन् भने राष्ट्रिय क्रिकेट टोलीका कप्तान रोहित कुमार पौडेलको गृह जिल्ला पश्चिम नवलपरासी वर्दघाट नगरपालिकामा पर्दछ ।
पछिल्लो समयमा स्थानिय तहहरुले समेत खेलकुद प्रति चासो देखाएकै कारण यस क्षेत्रका खेलाडिहरु समेत उत्साहित भएका छन् ।
छैठौं मेयर कप फुटवल प्रतियोगीता उपभोत्ता समितिका अध्यक्ष जित वहादुर पुनको अध्यक्षता र वडा नम्वर १० का वडाध्यक्ष दिलबहादुर थापाको प्रमुख आतिथ्यतामा भएको पत्रकार सम्मेलनमा वडा नम्वर ४ का वडाध्यक्ष वालकृष्ण पंगेनी, वडा नम्वर ३ का वडाध्यक्ष पविन गुरुङ लगाएत जनप्रतिनिधिहरु, र पुर्व वडाध्यक्षहरु, जिल्ला फुटवल संघका अध्यक्ष धन प्रसाद गुरुङ लगाएत पदाधिकारी, फुटवल खेलाडीहरु र स्थानियहरुको उपस्थिती रहेको थियो ।
