सुनवल । नेपाल प्रेस युनियन पश्चिम नवलपरासीको अध्यक्षमा उमेश कुमार विक चयन हुनु भएको छ । आज सरावलमा सम्पन्न ११ औं जिल्ला अधिवेशनले अध्यक्षमा विक सहित १७ सदस्यिय नयाँ कार्य समिति चयन गरेको हो । जसको उपाध्यक्षमा सञ्चिव कोइराला (खुल्ला) र सद्दाम हुसैन अन्सारी (समावेशी), सचिवमा अनिल यादव, सहसचिवमा रविन्द्र चापागाइ (खुल्ला) र शुशिला पाण्डे (महिला), कोषाध्यक्षमा श्याम बुचा मगर र सह कोषाध्क्षमा नन्दु यादव सर्व सहमत चयन हुनु भएको छ । यस्तै सदस्यहरुमा क्रमश पुजा लम्साल, राज चौधरी, श्याम बन्दन हरिजन, सिकेन्द्र साहनी, सहमान् मिया, ज्ञानेश्वर साहनी, रञ्जित कोहार, सञ्जय कुशवाह, हृदेश गुप्ता रहनु भएको छ ।
प्रेस युनियनका जिल्ला अध्यक्ष पुरुषोत्तम सुवेदीको अध्यक्षता तथा संविधान सभा सदस्य एबम् लुम्विनी प्रदेश सभा सदस्य देवकरण कलवारको प्रमुख आतिथ्यता रहेको उद्दघाटन सत्रलाई सम्बोधन गर्दै प्रमुख अतिथि कलवारले इमान्दारी र निष्ठा पूर्वक पत्रकारिता गर्न आग्रह गर्नुभयो।
कार्यक्रममा प्रेस युनियन प्रदेश सदस्य रवीन्द्र चापागाईं, पूर्व अध्यक्ष अनिल यादव, आर पि उपाध्याय, प्रदेश महासचिव नवीन गिरि, जिल्ला शाखा अध्यक्ष हरि शर्मा लगायतले शुभकामना मन्तव्य राख्नुभएको थियो।
