सुनवल । महाकवि देवकोटा क्याम्पस सुनवलमा उद्यमशीलता विकास सम्बन्धी २ दिने कार्यशाला सुरु भएको छ । क्याम्पसको सभाहलमा आज एक कार्यक्रमका विच विविए छैठौँ र एमविएस तेस्रो सेमेस्टरमा अध्ययनरत विद्यार्थीहरुमा व्यवसाय संचालन सम्बन्धी नयाँ तथा प्रयोगात्मक ज्ञान साथै सीप विकास गर्ने उद्धेश्यले दुई दिने उद्यमशीलता विकास सम्बन्धी कार्यशाला सञ्चालन गरिएको हो ।
सहायक क्याम्पस प्रमुख प्रकाश जि.सी.को अध्यक्षतामा संचालन भएको सो कार्यशालामा युवा उद्यमी नेहा अग्रवाल प्रमुख प्रशिक्षक रहनु भएको थियो भने विविए संयोजक ताराप्रसाद पाण्डे, शिक्षक विकाश राना, प्रविन शर्मा, बरुन ज्ञवाली साथै विविए छैठौँ र एमविएस तेस्रो सेमेस्टरमा अध्ययनरत विद्यार्थीहरु गरी ६० जनाको सहभागिता रहेको थियो ।
कार्यक्रममा प्रमुख प्रशिक्षक अग्रवालले व्यवसाय सञ्चालन गर्दा ध्यान दिनु पर्ने कुराहरु, अइ पर्ने समस्या र समाधानका उपायहरुको बारेमा स्पष्ट पार्नुभएको थियो । सो अवसरमा प्रशिक्षक अग्रवालले आफूले व्यवसाय प्रारम्भ गर्दाका अनुभव समेत बताउनु भएको थियो ।
कार्यक्रममा सहभागीहरुको तर्फबाट विविए छैठौँ सेमेस्टरमा अध्ययनरत छात्र सन्तोष तिवारीले कार्यशालाबाट व्यवसाय संचालन सम्बन्धी नवीन ज्ञान प्राप्त भएको र आफूमा उद्यमशीलताको विकास भएको विचार व्यक्त गर्नु भयो ।
सोही क्रममा एमविएस तेस्रो सेमेस्टरमा अध्ययनरत छात्र अनिल जि.सी.ले कार्यशालाले आफू एउटा व्यवसायि बन्ने प्रेरणा प्राप्त गरेको विचार व्यक्त गर्नु भयो । कार्यक्रममा विविए संयोजक ताराप्रसाद पाण्डेको सहजिकरण र शिक्षक प्रविन शर्माको स्वागत मन्तव्य रहेको थियो ।
