सुनवल । पश्चिम नवलपरासीको सुनवल नगरपालिकाले आर्थिक बर्ष २०८०/०८१ का लागि १ अरव १८ करोड ९२ लाख ८ हजार ७ सय ३४ रुपैया वरावरको वजेट सार्वजनिक गरेको छ । सोमवार सम्पन्न १३ औं नगर सभाले आर्थिक बर्ष २०८०/०८१ को निति तथा कार्यक्रम प्रस्तुत गर्दैै १ अरब १८ करोड ९२ लाख ८ हजार ७ सय ३४ रुपैया विभिन्न विषयगत क्षेत्रमा रकम विनियोजन गरेको हो । जसमा चालु खर्च तर्फ ६६ करोड ४० लाख ६४ हजार ८ सय ३ रहेको छ भने पुँजीगत खर्च तर्फ ५२ करोड ५१ लाख ४३ हजार ९ सय ३१ विनियोजन गरेको नगरपालिकाले जनाएको छ ।
नीति तथा कार्यक्रम प्रस्तुत गर्दै सुनवल नगरपालिकाकी नगरप्रमुख विमला अर्यालले नगरप्रमुखसँग आँखा स्वास्थ्य कार्याक्रमको निरन्तरता , प्रसुति गृहको क्षमता वृद्धि, जेष्ठ नागरिक सँग उपमेयर कार्यक्रम र नगर स्तरिय एकिकृत एम्वुलेस सेवालाई प्राथमिकतामा राखेको बताउनुभयो । त्यस्तै मृगौला डाइलाइसिस गर्नुपर्ने विरामीहरुलाई विगतमा दिएको सेवासुविधालाई निरन्तरता दिएको नगरप्रमुख अर्यालले बताउनुभयो ।
त्यस्तै शिक्षातर्फ विद्यालयका भौतिक संरचना बालमैत्री एंव अपाङगमैत्री गाराउने, सामुदायिक विद्यालयको आधारभुत शिक्षामा गुणस्तर सुधारका लागी नगरप्रमुख शैक्षिक सुधार लगाएतका कार्यक्रम लागु गर्ने निति तथा कार्यक्रममा समेटिएको छ । त्यस्तै एक घर एक धारा तथा स्वच्छ खानेपानी उपलब्ध गराउने, नगरभित्र रहेका खानेपानी समितिहरुको एकरुपकता ल्याउने नगरप्रमुख अयालले बताउनुभयो ।
सुनवल नगरपालिकालाई महिलामैत्री गराउने, समता महिला विद्यालयलाई थप सुविधा बनाई प्रभावकारी गराउने निति तथा कार्यक्रममा समावेश गरिएको छ ।
त्यस्तै युवा तथा खेलकुदलाई प्रर्वद्धन गर्नको लागी एक वडा एक खेलमैदानको अवधारणा लिएको नगरप्रमुख अर्यालले बताउनुभयो । त्यस्तै नगरपालिकाले नगरभित्रका सडक क्षेत्रमा हरियाली प्रर्वद्धन गर्ने र गुरुयोजना अनुरुप नगर रिङरोडलाई व्यवस्थीत गर्ने नीति तथा कार्यक्रममा उल्लेख छ । त्यसैगरि सुचना प्रविधिमैत्रि सुनवल नगरपालिका बनाउन सेवा प्रवाहलाई पेपरलेसमा रुपान्तरण गर्ने नगरको निति तथा कार्यक्रम रहेको छ ।
त्यसैगरि सुनवल नगरपालिकाका भित्र कार्यरत सम्पुणर् करार तथा ज्यालादारी कार्यरत कर्मचारीको सुरक्षाको लागी सामाजिक सुरक्षा कोषमा आवद्ध गर्ने नीति अवलम्वन गर्ने नीति लिएको छ ।
नगरभित्रका महत्वपुणर् योजनाहरुको प्रोजेक्ट वैंक निर्माण गरि कार्यान्वय गर्ने निति तथा कार्यक्रममा उल्लेख भएको छ ।त्यस्तै गरी आर्थिक विकासतर्फ कृषि विकासका लागी व्लक, पकेट र जोन कार्यक्रम अन्तर्गत एक वडा एक उत्पादनको कार्यक्रम संचालन गर्ने, एक वडा एक पशुफर्म अभियान संचालन गर्ने, जग्गा बाँझो नराख्ने निति अवलम्वन गरी सिंचाई प्रणालिलाई प्राथमिकता दिने निति तथा कार्यक्रम रहेको छ ।
त्यसै गरि संस्कृति र पर्यटन विकासलाई मध्येनजर गरि सुनवल सर्किट निर्माण गर्ने नगरप्रमुख अर्यालले बताउनुभयो । त्यसै गरी नगरलाई सफा र स्वच्छ गराउने उद्देश्य अनुरुप फोहोरमैला व्यवस्थापन गर्ने , एक वन एक उद्धमको समेत नीति नगरपालिकाले लिएको छ ।आर्थिक वर्ष २०८०/०८१ तय गरिएको निति तथा कार्यक्रमलाई कायन्वयन गर्न समाजिक क्षेत्रमा ६३ करोड ९८ लाख ८५ हजार विनियोजन गरेको नगर उपप्रमुख सुर्य प्रसाद दुवेले बताउनुभयो ।
त्यसैगरि भौतिक पुर्वधार तर्फ २५ करोड ९२ लाख ८ हजार ७ सय ३४ रुपौय, सुशासन तथा संस्थागत विकास मा २० करोड १२ लाख ३ हजार, आर्थिक विकासमा ७ करोड ३९ लाख १२ हजार , बातावरण तथा विपद व्यवस्थापनमा १ करोड ५० लाख विनियोजन गरेको नगर उपप्रमुख दुवेले बताउनुभयो ।
त्यस्तै १३ औं नगर सभामा आर्थिक विधेयक , लेखा समितिको प्रतिवेदन , न्यायिक समितिको प्रतिवेदन विनियोजन विधेयक, वाङगमय प्रतिष्ठान गठन तथा संचालन ऐन लगाएत प्रस्तुत गरिएको थियो ।
