सुनवल । पश्चिम नवलपरासीमा धारिलो हतियार प्रयोग गरेर छोराले ५० बर्षीया आमाको हत्या गरेका छन्। सुनवल नगरपालिका-१३ बिचैयापूरकी ५० बर्षीया बुद्दिरानी मुसहरलाइ उनकै छोरा २५ बर्षीय शिव कुमार मुसहरले हत्या गरेका हुन् ।
पारिवारिक विवादका क्रममा सोमबार दिउँसो ४ बजेतिर शिव कुमारले आमालाई घाटीमा धारिलो हतियार प्रहार गरेको जिल्ला प्रहरी कार्यालय पश्चिम नवलपरासीका सुचना अधिकारि एवं डिएसपी भोजराज पाण्डेयले जानकारी दिनुभयो । हतियार प्रहारबाट घाइते भएकी बुद्दिरानिको घटनास्थलमै मृत्यु भएको थियो ।
आमाको हत्यामा संलग्न शिव कुमारलाई रुपन्देहीको गैडहवा-८ मैनाहवामा लुकिछिपी बसेको अवस्थामा नियन्त्रण लिएको प्रहरीले जनाएको छ । पक्राउ परेका शिवकुमारलाइ कर्तव्य ज्यान मुद्दामा म्याद थप गरेर घटनाको अनुसन्धान थालेको छ । बुद्दिरानी, श्रीमान र छोरा संग बस्दै आएकी थिइन् ।
डिएसपी पाण्डेका अनुसार पश्चिम नवलपरासीमा चालु आव २०७९/८० मा ४ वटा कर्तव्य ज्यानको मुद्दा परेको छ । जसमध्य ३ जना पक्राउ परेका छन् भने १ जना विदेशी नागरिक फरार रहेको डिएसपी पाण्डेयले जानकारी दिनुभयो ।
