सुनवल । स्कुटरको एक्सिलेटर धेरै लिई वातावरण दूषित गरेको विषयलाई लिएर दुई पक्ष विच झडव हुदा पश्चिम नवलपरासीमा ६ जना घाईते भएका छन् । आज दिउसो जिल्लाको बर्दघाट ५ बण्डाखोला स्थित दरबार होमस्टे अगाडी लु ६६ प ४५१९ नं. स्कुटरको एक्सिलेटर धेरै लिई वातावरण दूषित गरेको भन्दै होटल पक्षले स्कुटर पक्षलाई सम्झाउन खोज्दा बिवाद झिकि दुई पक्ष बीच कुटपिट हुदा ६ जना घाईते भएका प्रहरीले जनाएको छ ।
जिल्ला प्रहरी कार्यालय पश्चिम नवलपरासीका सूचना अधिकारी डिएसपी भोजराज पाण्डेका अनुसार होटल संचालक पक्षका बर्दघाट ४ बस्ने बर्ष ३० का सन्दिप भण्डारीको घुडा र टाउको, बर्ष ५२ का भिम भण्डारीको बाया छातीमा र बर्ष ४२ का राजेश कंहारको दाहिने पाखुरामा चोट लागेको छ । कहारलाई उपचारका लागि बुटवल रिफर गरिएको छ ।
यस्तै स्कुटर पक्ष तर्फका बर्दघाट १२ दविल्ला बस्ने बर्ष १९ का रमेश परियार, बर्ष १६ का आरेन मल्ल र बर्ष २२ का किरण मगर गरी तिनै जनाको टाउकोमा चोट लागेको र अवस्था सामान्य रहेको छ भने बर्ष १६ का सुरज थापालाई भने केही नभएको प्रहरीले जनाएको छ ।
उक्त घटनाको कुटपिटमा संलग्न १ जना प्रहरी नियन्त्रणमा रहेका छन् । घटनास्थलबाट प्रहरीले सानो चक्कु, मासु काट्ने दाउ नियन्त्रणमा लिएको छ । उक्त हरियारको कस्ले लिएको भन्ने बिषयमा अनुसन्धान भैरहेको र सोधपुछ कार्य भईरहेका पनि डिएपी पाण्डेले जानकारी दिनुभयो ।
