प्रकाश न्यौपाने असोज ०५ गते नवलपरासी ।
नवलपरासी, बर्दघाट नगरपालिकाको १४ नम्बर वडाले गत आ.ब.मा सम्पन्न योजनाहरु एक कार्यक्रमका विच सार्वजनिकिकरण सम्पन्न गरेको छ ।
वडा अध्यक्ष सन्त बहादुर गाहाले आज शुक्रवार गत आ.ब.०७९/८० मा जम्मा रू ७५ लाख ५२ हजार रुपैयाको सम्पन्न योजनाहरु सार्वजनिकिकरण गर्दै जिल्लामा नै पहिलो योजनाहरु सार्वजनिकिकरण गर्ने वडा बनेको छ ।
अध्यक्ष गाहाले वडा भित्र सञ्चालनमा रहेका विद्यालय तथा सार्वजनिक स्थानहरूमा विभिन्न स्थानीय, प्रदेश र सघिय सरकारबाट प्राप्त अनुदान, नगरको हिउदे अधिबेशनबाट शिर्षक परिवर्तन भइ वडामा सम्पन्न भएका कार्यहरूको सार्वजनिक गर्नु भयो । आर्थिक बर्षमा घरगोठ र जग्गा नामसारी, नगरिकता सिफारिस, नाता प्रमाणीत गरि २ हजार ७ सय ६७ वटा सिफारिस गरिएको छ ।
जन्म दर्ता, मृत्यु दर्ता, बिबाह दर्ता, बसाईसराइ गरि ४ सय ७९ वटा व्यक्तिगत घटना दर्ता भएको वडा कार्यालयले जानकारी दिएको छ ।वडाले गत बर्ष सम्पती कर, भुमिकर (मातपोत), सिफारिस दस्तुर, घटना दर्ता, वहाल कर गरि १९ लाख ५४ हजार ८ सय ३ रुपैया राजस्व संकलन गरेको छ । कार्यक्रममा बसुदेव पौडेल, शिशिर बि.क., लक्ष्मण हमाल, कृष्ण कामु, नेपाल काङ्ग्रेस बर्दघाट नगर सभापति दामोदर जि.सि.लगायतले बोल्दै वडा भित्रको सार्वजनिक जग्गा, सेवा प्रवाह, कृषि, पशुपालन, बिकास निर्माण, शिक्षा, स्वास्थ्य, सिचाइ, बिद्धुतिकरण लगायत कार्यान्वयनका बिषयमा प्रश्न उठाउनु भएको छ ।
कार्यक्रममा उठेका प्रश्नहरुको जवाफ दिदै नगर प्रमुख शम्भुलाल श्रेष्ठले बर्दघाट नगरले असोज महिना भित्रमा सबै वडाहरुले सार्वजनिकिकरण गर्ने बताउनु भयो । उहाँ भन्नुहुन्छ-“नगर प्रवक्ता को वडा १४ बाट सुरु भएको यो कार्यक्रम अब अरु १५ वटा वडा हुदै नगरले असोज महिना भित्र गरेर सक्ने छौं ।”
कार्यक्रममा बाल्दै मेयर शम्भुलाल श्रेष्ठले बर्दघाट नगरक्षेत्र भित्र १५ मिनेटका दुरीमा रहेका विद्यालय खारेज गरि विद्यालयमा अपुग शिक्षकहरू व्यवस्थापन गर्ने साेचका साथ नगरपालीका अघि वढ्रने वताउनु भयो ।
कार्यक्रममा सामाजिक बिकास समितिका संयोजक भिमकाजी गुरुङ्ग र वडा अध्यक्ष एव प्रवक्ता सन्त बहादुर गाहाले स्थानीयहरुले राखेको प्रश्नहरु जवाफ दिदै बर्दघाट नगर पालिका र वडा कार्यालयले चुस्त र दुरुस्त सेवा प्रवाह गर्नमा जुटेको बताउनु भयो।
सम्पन्न योजना सार्वजनिकिकरण कार्यक्रममा सहभागीहरूलाइ स्वागत वडा सदस्य सिर्जना बिश्वकर्माले र कार्यक्रम संचालन १४ नं वडा सचिब टंकनाथ पाण्डेले गर्नु भएको थियो।
