परासी/असार१८
नवलपरासीको रामग्राम नगरपालिका स्थित बाइपासरोडमा मेनपावर संचालन गरेको ५ दिनमै संचालकद्वय भारतीयलाई प्रहरीले पक्राउ गरेको छ ।
भारत, मुम्वईका वासिन्दा निसग रवीन्द्र राणे र जाबेद मसिहालाई परासी स्थीत जेडी मेनपावर सर्भिसेजको अफिसबाटै सोमबार नवलपरासी प्रहरीले पक्राउ गरेको हो ।
उनीहरूले वैदेशिक रोजगारीका लागि रसिया, अस्ट्रेलिया, इटाली लगायतका देशहरूमा लैजाने हल्ला चलेको थियो ।
श्रम तथा रोजगार कार्यालय बुटवलसँगको आन्तरीक समन्वयमा निजहरूलाई पक्राउ गरी जेडीमेनपावरको कार्यालय सिल गरिएको नवपरासीका एसपी ज्ञानेन्द्रप्रसाद फुँयालले जानकारी दिए । पक्राउ पस्चात हिरासत पठाईएका भारतीयमुलका २४ वर्षिय निसग रवीन्द्र राणे र ३७ वर्षिय जाबेद मसिहको साथबाट भारतीय बैकको डेविटकार्ड आधारकार्ड र २ थान ल्यापटप समेत वरामद गरिको नवलपरासी प्रहरीले जनाएको छ ।पक्राउ परेका दुवैजना माथि थप अनुसन्धान र कारबाहीका लागि श्रम तथा रोजगार कार्यालय वुटवल पठाईएको छ ।
उक्त अवैध मेनपावरबाट कोही ठगिएको भए उजुरी गर्न प्रहरीले सर्वसाधारणमा सुचना समेत जारी गरेको छ ।
