मंसिर २८ । मुग्लिन पोखरा सडकखण्ड अन्तर्गत तनहुँको शुक्लागण्डकी नगरपालिका-२ कोत्रे खण्डमा सडक स्तरोन्नति गर्नका लागि पॉच दिन सडक अवरुद्ध हुने भएको छ ।
जामुने बजारदेखि पोखराको सेती नदी पुलसम्मको सडकखण्ड स्तरोन्नति कार्य अन्तर्गत आज मङ्सिर २८ गतेदेखि पुस २ गतेसम्म कोत्रेखोलाको पुलमा ग्रिडर लन्चिङ कार्य हुने भएकाले उक्त खण्डमा बिहान ८ बजेदेखि सॉझ ६ बजेसम्म सवारी आवागमन बन्द हुन लागेको हो ।
सडक प्रयोगकर्ताहरुलाई हुन सक्ने जोखिम तथा यातायात आवागमनमा समेत बाधा पर्न जाने देखिएकोले सम्भावित जोखिमलाई मध्यनजर गरी उल्लेखित स्थानमा आंशिक रुपमा प्रभावित हुने भएकाले एक पटकमा बढीमा एक घण्टाका लागि सडक अवरोध हुने जिल्ला प्रहरी कार्यालय तनहुँले जनाएको छ ।
