नवलपरासी। पश्चिम नवलपरासीको पाल्हिनन्दन गाउँपालिका वडा नम्बर ३ कुश्मा स्थित सेमरहवा बाबा धर्मशाला उदघाटन गरिएको छ । स्थानीय पुर्वाधार बिकास साझेदारी कार्यक्रम अन्तर्गत आर्थिक बर्ष २०७५/०७६ मा संघिय सांसद देवेन्द्रराज कण्डेलबाट बिनियोजित रु २५ लाख योजनाबाट निर्मित धर्मशालाको उद्घाटन गरिएको हो।
धर्मशाला उद्घाटन गर्दै नेता कण्डेलले वदलिदो परिवेशमा सार्वजनिक कार्यका लागि यस किसिमका धर्मशाला खांचो रहेको वताउनुभयो । सार्वजनिक सम्पत्तिको निर्माण मात्रै गरेर नहुने हुदा यसको संरक्षण पनि गर्नुपर्ने बताउनुभयो । उहाले समाजमा सार्वजनिक सम्पत्तिको संरक्षणमा खासै चासो नदिने गरेको बताउदै सार्वजनिक सम्पत्ति संरक्षण भए त्यसको उपभोग स्थानीयले नै गर्न पाउने र यसले विकासको आधार पनि तयार हुने बताउनुभयो ।
लुम्बिनी प्रदेशसभा सदस्त बैजनाथ जैसवालले नवलपरासीको कृषि,स्वास्थ्य,खानेपानी,बाटोघाटो ,मठ, मन्दिर, शिक्षा क्षेत्र विकासमा काङ्ग्रेस नेता कण्डेलले महत्त्वपूणर् कार्य गरेको उल्लेख गर्दै यस क्षेत्रको विकासमा उहाँको भूमिका महत्त्वपूणर् रहेको चर्चा गर्नुभयो।
पाल्हीनन्दन गाउँपालीकाका नेपाली कांग्रेस सभापति हरिहर चौहानको अध्यक्षतामा भएको धर्मशाला उदघाटन कार्यक्रममा समाजका बुद्धिजीवीहरु लगायत स्थानीयको उल्लेखनीय सहभागिता रहेको थियोे ।
