हब इन्टरनेशनल एजुकेशनकी CEO सरिता खड्का – “विद्यार्थीको सपना हाम्रो प्रतिबद्धता हो”

हब इन्टरनेशनल एजुकेशन सन् २००६ मा स्थापित एक अग्रणी शैक्षिक परामर्श संस्था हो, जसले विगत १८ वर्षदेखि नेपाली विद्यार्थीहरूलाई अन्तर्राष्ट्रिय शिक्षा प्राप्तिमा मार्गदर्शन गर्दै आएको छ। यो संस्थाले बेलायत, अमेरिका, अष्ट्रेलिया, क्यानडा, भारत, न्युजिल्याण्ड, आयरल्यान्ड, जर्मनी, डेनमार्क, फिनल्याण्ड, स्विडेन र दुबई लगायतका देशहरूमा अवस्थित ५०० भन्दा बढी प्रतिष्ठित शैक्षिक संस्थाहरूसँग साझेदारी गरेको छ। हब इन्टरनेशनलको सेवा सञ्जाल नेपाल, युएई, फिलिपिन्स, भियतनाम, भारत लगायत विभिन्न देशहरूमा फैलिएको छ, जसले गर्दा विद्यार्थीहरूलाई विश्वस्तरीय सेवा प्राप्त गर्न सहज भएको छ। विद्यार्थीको आवश्यकता अनुसार व्यक्तिगत परामर्श दिने यस संस्थाले कोर्स छनोटदेखि भिसा प्रक्रिया र छात्रवृत्तिसम्म सम्पूर्ण सेवा प्रदान गर्दछ। साथै, IELTS, PTE, TOEFL, SAT, GRE, GMAT जस्ता परीक्षा तयारी कक्षा पनि यहाँ उपलब्ध छ, जहाँ अनुभवी प्रशिक्षकहरूको सहयोग पाइन्छ। हब इन्टरनेशनलले CSR कार्यक्रम अन्तर्गत बेलायतमा अध्ययन गर्न चाहने विद्यार्थीहरूलाई निःशुल्क ल्यापटप र ल्यापटप ब्याग प्रदान गर्दै आएको छ, जसले विद्यार्थीहरूको प्रारम्भिक शैक्षिक तयारीमा सहयोग पुर्‍याउँछ। सन् २०२४ मा यस संस्थालाई ‘Consultancy of the Year’ को उपाधिले सम्मानित गरिएको थियो, जुन यसको उत्कृष्टता र इमान्दार सेवाप्रतिको मान्यता हो। काठमाडौंको हत्तीसारमा मुख्य कार्यालय रहेको हब इन्टरनेशनल एजुकेशनले विश्वभरका विद्यार्थीहरूलाई प्रभावकारी, विश्वसनीय र सफल शैक्षिक यात्राको सुनिश्चितता प्रदान गर्दै आएको छ। यो संस्था आज विश्वास, प्रतिबद्धता, र सफलताका उदाहरणका रूपमा स्थापित भएको छ।

हब इन्टरनेशनल एजुकेशनको १८औं वार्षिकोत्सवको अवसरमा, संस्थाका उपलब्धिहरू र भावी योजनाहरूबारे संस्थाकी प्रमुख कार्यकारी अधिकृत सरिता खड्कासँग गरिएको विशेष कुराकानी।

पत्रकार : नमस्कार सरिता जी, हब इन्टरनेशनल एजुकेशनको १८ वर्ष लामो सफल यात्रामा तपाईंलाई बधाई छ। यो यात्राको सुरुवात र उद्देश्यबारे थोरै बताइदिनुहोस्।

सरिता खड्का: धन्यवाद। हब इन्टरनेशनल एजुकेशनको सुरुवात सन् २००६ मा डा. उद्धव बहादुर खड्काज्यूको अगुवाइमा भएको थियो। हाम्रो मूल उद्देश्य भनेको नेपाली विद्यार्थीलाई अन्तर्राष्ट्रिय स्तरको शिक्षा प्राप्त गर्न सहयोग गर्नु हो। सुरुमा यो प्रयास सानो मात्र थियो, तर विद्यार्थी र अभिभावकको विश्वासका कारण आज हामी विश्वभर फैलिएको परामर्श संस्था बन्न सफल भएका छौं।

पत्रकार: हब इन्टरनेशनल आज कुन-कुन देशमा सेवा दिइरहेको छ?

सरिता: हाल हामी नेपालसँगै यूएई, फिलिपिन्स, भियतनाम, भारत लगायत विभिन्न देशहरूमा उपस्थित छौं। साथै, हामीसँग बेलायत, अमेरिका, क्यानडा, अष्ट्रेलिया, न्युजिल्याण्ड, जर्मनी, फिनल्याण्ड, स्विडेन, डेन्मार्क, दुबई लगायतका देशका ५०० भन्दा बढी प्रतिष्ठित विश्वविद्यालय तथा कलेजहरूसँग साझेदारी रहेको छ। विद्यार्थीको रुचि र भविष्यलाई ध्यानमा राखी हामीले देश र संस्था छनोटमा पूर्ण मार्गदर्शन प्रदान गर्छौं।

पत्रकार: ‘Consultancy of the Year 2024’ को उपाधि प्राप्त गर्नुहुयो। यो उपलब्धिलाई तपाईं कसरी मूल्यांकन गर्नुहुन्छ?

सरिता: यो उपाधि हाम्रो टीमको निरन्तर मेहनत, पारदर्शी सेवा, र विद्यार्थीप्रतिको समर्पणको प्रतिफल हो। हामी सधैं विद्यार्थीको भविष्यलाई पहिलो प्राथमिकता दिन्छौं। “Consultancy of the Year” पाउनु भनेको हामीले सही दिशा समातेको प्रमाण हो। यसले हामीलाई अझ जिम्मेवार बनाएको छ।

पत्रकार: हब इन्टरनेशनलको CSR कार्यक्रम निकै चर्चामा छ। यसको उद्देश्य र प्रभावबारे के भन्नुहुन्छ?

सरिता: हाम्रो CSR (Consultancy Student Responsibility) कार्यक्रम अन्तर्गत, बेलायतमा भर्ना भएर भिसा पाएका विद्यार्थीहरूलाई निःशुल्क ल्यापटप र ल्यापटप ब्याग दिइन्छ। यो हाम्रो तर्फबाट विद्यार्थीको अध्ययन यात्राको सुरुवातमा आवश्यक उपकरण प्रदान गर्ने प्रयास हो। हामीलाई लाग्छ, सफलताको लागि सुरुवातमै आवश्यक स्रोत हुनु जरुरी छ।

पत्रकार: अहिलेको प्रतिस्पर्धी बजारमा हबलाई फरक बनाउने प्रमुख पक्षहरू के-के हुन्?

सरिता: पहिलो कुरा, हामी विद्यार्थीकेन्द्रित संस्था हौं। हामी विद्यार्थीलाई ग्राहक होइन, हाम्रो भविष्यको कर्णधार ठान्छौं। दोस्रो, हाम्रो सेवामा पारदर्शिता छ — नतिजामा विश्वास गर्छौं, आश्वासनमा होइन। तेस्रो, हाम्रो टीम अत्यन्त अनुभवी र अन्तर्राष्ट्रिय तालिम प्राप्त छ। हामी प्रत्येक विद्यार्थीको अवस्था बुझेर उनीअनुकूल योजना बनाउँछौं।

पत्रकार: हब इन्टरनेशनलमा अध्ययनको लागि आएका विद्यार्थीलाई तपाईँले के सल्लाह दिनुहुन्छ?

सरिता: अध्ययन विदेशमा गर्ने निर्णय एउटा दीर्घकालीन लगानी हो। म विद्यार्थीहरूलाई सल्लाह दिन्छु — अध्ययन गर्ने देश, विश्वविद्यालय, कोर्स, र छात्रवृत्तिको बारेमा राम्ररी अनुसन्धान गर्नुस्। साथै, शिक्षा मन्त्रालयमा दर्ता भई कानुनीरूपमा काम गरिरहेका परामर्श संस्था छनोट गर्नुस्। हामी विद्यार्थीलाई सुरक्षित, प्रभावकारी र सफल यात्रा दिन प्रतिबद्ध छौं।

पत्रकार: भविष्यमा हब इन्टरनेशनलका के लक्ष्यहरू छन्?

सरिता: हामी अन्तर्राष्ट्रिय स्तरमा थप शाखा विस्तार गर्ने तयारीमा छौं। साथै, डिजिटल सेवा प्रणालीलाई अझ प्रभावकारी बनाउँदैछौं, जसले गर्दा विद्यार्थीहरूले अनलाइनबाटै सेवा लिन सकून्। हामी अब रोजगारसँग सम्बन्धित परामर्श, इन्टर्नशिप तथा क्यारियर गाइडेंस कार्यक्रम पनि अगाडि बढाउँदैछौं। हाम्रो लक्ष्य भनेको विद्यार्थीलाई केवल भर्नासम्म सीमित नराखी, सम्पूर्ण जीवनपथमा सघाउने हो।

पत्रकार: तपाईं व्यक्तिगत रूपमा CEO को रूपमा यस्तो संस्थाको नेतृत्व गर्दा कस्तो अनुभूति गर्नुहुन्छ?

सरिता: यो जिम्मेवारी केवल व्यवसायिक होइन, सामाजिक पनि हो। जब हामीले परामर्श दिएको विद्यार्थी विदेशी विश्वविद्यालयमा टप गर्ने खबर आउँछ, जब अभिभावकहरूले धन्यवाद दिनुहुन्छ — त्यो क्षण साँचिकै अविस्मरणीय हुन्छ। हब मेरो लागि जागिर होइन, यो मेरो जीवनको उद्देश्य हो।

पत्रकार: अन्त्यमा, तपाईंकहाँ आउने नयाँ विद्यार्थी र अभिभावकलाई के सन्देश दिन चाहनुहुन्छ?

सरिता: विदेशमा अध्ययन गर्नु तपाईंको सपना हो भने त्यसलाई सही बाटोमा अगाडि बढाउनुहोस्। अनुभवी र प्रमाणित संस्था छनोट गर्नुहोस्, जुन तपाईंको लक्ष्यलाई बुझेर साथ दिन सक्छ। हब इन्टरनेशनल एजुकेशन तपाईंहरूको विश्वासिलो साथी हो — जसले तपाईंलाई भर्नादेखि यात्रा, भिसा, छात्रवृत्ति, र भविष्यसम्मको साथ दिन्छ। तपाईंको सपना हाम्रो प्रतिबद्धता हो।

पत्रकार: धन्यवाद सरिता जी, तपाईंको समय र मूल्यवान विचारका लागि।

सरिता: धन्यवाद तपाईंहरूलाई पनि। तपाईंहरू जस्तै मिडियाको सहयोगले नेपाली विद्यार्थीको अन्तर्राष्ट्रिय यात्रा अझै प्रभावकारी हुने विश्वास लिएको छु।