नवलपरासी । पश्चिम नवलपरासीको सरावल गाउँपालिका वडा नम्बर १ मा थारु सम्बत् २६४६ औँ नयाँ वर्ष तथा थारु समुदायको महान चार्डपर्व खिचडी (माघी) पर्वको उपलक्ष्यमा “शुभकामना आदानप्रदान एवँ माघी मिलन कार्यक्रम” सम्पन्न भएको छ।
थारु मिलन केन्द्र नेपाल र थारु कल्याणकारीणी सभा नवलपरासीको संयुक्त आयोजनामा शनिवार सरावल १ तुलसीनगरमा अवस्थित थारु मिलन केन्द्र नेपालको सभाहलमा शुभकामना आदानप्रदान एवँ माघी मिलन कार्यक्रम“ भएको हो।
थारु मिलन केन्द्र नेपालका अध्यक्ष राधेश्याम चौधरीको अध्यक्षता तथा लुम्बिनी प्रदेश सभा सदस्य एवं थारु कल्याणकारीणी सभा केन्द्रीय उपाध्यक्ष देवीप्रसाद थारुको प्रमुख आतिथ्यता तथा सरावल गाउँपालिका अध्यक्ष सुखाडी प्रसाद चौधरीको विशिष्ट आतिथ्यतामा कार्यक्रम भएको हो।
कार्यक्रममा देवराज थारू, सुर्यमन थारु, उत्तमा राय, गिता पंजियार, कृष्ण दत्त थारु, पुरन प्रसाद चौधरी,गणेश चौधरी लगाएतले खिचडी (माघी) पर्वको शुभकामना ब्यक्त गर्नुभएको थियो।
थारु कल्याणकारीणी सभा जिल्ला अध्यक्ष मुन्द्रिका प्रसाद थारुको स्वागत मन्तब्यबाट सुरुवात भएको कार्यक्रमको सन्चालन थाकस जिल्ला सचिव कन्हैया प्रसाद चौधरीले गर्नुभएको थियो।
