सुनवल । पश्चिम नवलपरासीको सरावल १ तिलकपुरमा टिप्परको ठक्करबाट मोटरसाईकल चालकको मृत्यु भएको छ ।
आज विहान १०ः२५ बजेको समयमा पुर्व पश्चिम राजमार्ग अन्र्तगत पुर्वबाट पश्चिम तर्फ आउदै गरेको लु १ ख ४१२५ नं. को टिप्पर दक्षिण तर्फ मोडने क्रममा सोही दिशा तर्फबाट आउदै गरेको लु ७७ प ७८९३ नं. मोटरसाईकललाई ठक्कर दिदा मोटरसाईकल चालक सुनवल १३ बडेराका बर्ष ३२ का चिरन्जीवी काफ्लेको ज्यान गएको हो ।
टिप्परको ठक्करबाट घाईते काफ्लेको उपचारको लागी जिल्ला अस्पताल परासी पठाईएकोमा उपचारको क्रममा ११ः१० बजेको समयमा मृत्यु भएको जिल्ला प्रहरी कार्यालय नवलपरासीका प्रहरी नायव उपरिक्षक भोजराज पाण्डेयले जानकारी दिनुभएको छ ।
टिप्पर र टिप्पर चालक प्रतापपुर ७ बस्ने बर्ष ३४ का माधब चौधरीलाई प्रहरीले नियन्त्रणमा लिएको छ। घटनास्थलमा इलाका प्रहरी कार्यालय बर्दघाटबाट प्रहरी निरीक्षक र ट्राफिक समेतको प्रहरी टोली खटिएर अन्य अनुसन्धान कार्य भईरहेको प्रहरीले जनाएको छ ।
