परासी । पश्चिम नवलपरासीको रामग्राममा मोटरसाईकलको ठक्करबाट एक वालिकाको ज्यान गएको छ ।
आज दिउसो करिव ५ बजे रामग्राम १० लक्ष्मीपुर स्थित भित्री सडक खण्डमा युपि ५६ एयु ३६८९ नं को भारतिय मोटरसाईकलले आफ्नो वाबु संग वाटोमा हिडिरहेकी ९ वर्षकी पिङ्की चौधरीलाई ठक्कर दिएको थियो ।
मोटरसाईकलको ठक्करबाट गम्भिर घाईते भएकी बालिका चौधरीलाई उपचारका लागी जिल्ला अस्पताल परासी लगिएकोमा डाक्टरले मृत घोषणा गरेको हो । मोटरसाईकल र मोटरसाईल चालक पाल्हिनन्दन ६ बस्ने वर्ष २६ का उमेश कुमार साहनीलाई प्रहरीले नियन्त्रण लिएको नवलपरासी प्रहरीले जनाएको छ ।
