नवलपरासी । नेपाल शिक्षक संघ नवलपरासीले शिक्षकमाथी अभद्र व्यवहार गर्ने दोषीलाई कारवाहीको माग गर्दै इलाका प्रहरी कार्यालय बर्दघाटमा ज्ञापन पत्र बुझाएको छ । बर्दघाट २ मा रहेको दिव्यज्योति मा.वि.मा चैत्र २७ गते शैक्षिक सत्र २०७९ को नतिजा प्रकाशनका दिन बर्दघाट नगरपालिकाबाट मनोनित वि.व्य.स. सदस्य सुबोध जागृत बुढाथोकीले मनोनयन फिर्ता भईसकेको अवस्थामा पनि पुनः म नै अध्यक्ष हुं भनी दिनको करिब १२ बजेको समयमा शिक्षक स्टाफ कक्षमै अभद्र व्यवहार भएको संघले जनाएको छ ।
विद्यालयका प्रधानाध्यापक एवं नेपाल शिक्षक संघका सदस्य रमेश कुमार कुँवर माथि भएको अभद्र व्यवहारका विषयमा मुद्दा दर्ता भएको ६ दिन पुरा हुदा पनि प्रहरीले दोषीलाई पक्राउ नगरेका कारण शिक्षक संघले ज्ञापन पत्र बुझाएको शिक्षक संघ नवलपरासीका जिल्ला अध्यक्ष भोजराज चापागाईले बताउनु भयो ।
ज्ञापन पत्रमा भनिएको छ -“मुद्धा दर्ता भएको छ दिनसम्म पनि दोषिलाइ पक्राउ गर्न नसक्नु विधिको शासन र कानुनी राज्यको उपहास भएको महसुस भएको छ ।”
गम्भीर प्रकृतिका घटनाहरुमा दोषी पक्राउ गरी कारवाही गर्न नसक्दा यस्ता घटनाहरु पटक पटक दोहोरिने साथै आपराधिक क्रियाकलाप बढ्न सक्नेप्रति सचेत गराउर्दै ज्ञापन पत्र मार्पmत दोषिलाई अविलम्ब पक्राउ गरी कानुनी दायरामा ल्याउन माग गर्दै ज्ञापन पत्र बुझाईएको अध्यक्ष चापागाईले बताउनु भयो ।
