परासी । चौधरी फाउण्डेसनले नवलपरासी पश्चिमको सरावल ६ गडौरी अवस्थित श्री महेन्द्र जनता माध्यमिक विद्यालयमा अध्ययनरत २० जना छात्राहरुलाई साईकल सहयोग गरेको छ ।
कार्यक्रमका प्रमुख अतिथि तथा चौधरी फाउण्डेसनका सचिव शारिका चौधरीले विद्यालयमा अध्ययनरत छात्राहरुलाई शिक्षामा सहज पहुँच पुर्याउन साईकल सहयोग गरिएको बताउनुभयो । उहाँले छात्राहरुलाई सहजता प्रदान गरिदिदा थप शैक्षिक प्रगति हुने विश्वासका साथ साईकल सहयोग गरिएको बताउनुभयो । विद्यालयमा रिक्त भएका कम्प्यूटर शिक्षक समेत उपलब्ध गराउने बाचा गर्दै थप आवस्यक परे आफुहरु हरपल तैयार रहेको बताउनुभयो ।
त्यस्तै कार्यक्रमलाई सम्बोधन गर्दै नेपाल महिला संघ जिल्ला अध्यक्ष कमला पराजुलीले विद्यार्थीलाई चौधरी फाउण्डेसनले साईकल हस्तान्तरण गरेर विद्यार्थीहरुलाई सुनौलो अवसर प्रदान गरेको बताउनुभयो । उहाँले संस्थाको सहयोगले टाढाबाट असहज परिस्थितिमा पढ्न आउनुपर्ने बाध्ययताको अन्त्य भएको बताउनुभयो ।
त्यस्तै कार्यक्रमलाई सम्बोधन गर्दे विद्यालयका प्रधानाध्यापक मोहम्मत ईरफान शेखले पिछडा क्षेत्रमा चौधरी फाउण्डेसनले गरेको सहयोग भनेको महान पुन्यको काम भएको बताउनुभयो ।
त्यस्तै विद्यार्थीहरुले आफुलाई गरेको सहयोगले आफ्नो समय र पैसा दुबै बचत भएको बताए । उनिहरुले अब आफुहरुलाई विद्यालय आउँदा तथा जाँदा बाटोमा लाग्ने समयमा थप अध्ययन गर्न पाउने र अबेर सम्म विद्यालयमा पढाईहुदाँ घरमा चिन्ता नहुने बताए ।
त्यस्तै अभिभाव सगुल ह खाँले समयको अभावमा भोकै विद्यालय जानुपर्ने बाध्ययताको अन्य तथा बाटोमा केहि भयो की भन्ने चिन्ता अब गर्नु नपर्ने भएको बताउनुभयो ।
