ललितपुर/भाद्र०९ (नेपाल–२५अगस्ट,०२४ )
प्रोफेशनल एजुकेशन कन्सल्टेन्सी (PEC) ले नेपालको महिलाको क्रिकेट टोलीको कप्तान,मिस इन्दु बार्मालाई गर्वका साथ नयाँ ब्रान्ड एम्बासडरको रूपमा नियुक्त गरेको घोषणा गरेको छ। होटल भिवान्ता, झमसिखेल, ललितपुरमा पत्रकार सम्मेलन गरी यस महत्वपूर्ण बिषयको बारेमा जानकारी गराइएको हो।
दिउँसो ३ बजेदेखि ५ बजेसम्म आयोजित पत्रकार सम्मेलनमा सम्मानित व्यक्तिहरू, खेलकुद अधिकारीहरू र मिडिया प्रतिनिधिहरूको गरीमामय उपस्थिति रहेको थियो। सम्मेलनको प्रारम्भमा अतिथिहरूलाई खादा लगाएर सम्मान गरिएको थियो।
कार्यक्रमको प्रारम्भमा संस्थाका निर्देशक श्री कृष्ण श्रेष्ठले स्वागत मन्तव्य व्यक्त गर्दै प्रोफेशनल एजुकेशन कन्सल्टेन्सीको ३१ वर्षको गौरवमय ऐतिहासिक यात्रा र यो अवधिमा महिला सशक्तिकरण र शिक्षा तथा खेलकुद मार्फत युवाहरूको विकासमा प्रोफेशनल एजुकेशन कन्सल्टेन्सीले गरेको महत्वपूर्ण योगदानको चर्चा गर्नु भयो।
पत्रकार सम्मेलनको मुख्य आकर्षणमा प्रोफेशनल एजुकेशन कन्सल्टेन्सी र मिस बार्माबीचको सम्झौतापत्र (MoU) को हस्ताक्षर गरी साटासाट गरीएको थियो। यस साझेदारीले प्रोफेशनल एजुकेशन कन्सल्टेन्सीको खेलकुद प्रवर्धन र प्रभावशाली भूमिका मोडेलहरूको माध्यमबाट युवाहरूलाई प्रेरित गर्ने प्रतिबद्धतालाई पुष्टि गर्छ।
नेपाल क्रिकेट संघ (CAN) का पुर्व कप्तान पारस खड्काले नेपालमा महिलाहरूको क्रिकेटको बढ्दो प्रभाव र यस्ता सहकार्यहरूको महत्व बारेमा आफ्ना दृष्टिकोण प्रस्तुत गर्नु भयो।
मिस इन्दु बार्माले आफ्नो यात्रा र युवा खेलाडीहरूलाई विशेषगरी महिलाहरूलाई ठूलो सपना देख्न र आफ्नो प्रयासहरूमा दृढ रहनको लागि प्रेरित गर्ने आफ्नो दृष्टिकोण पत्रकार सम्मेलन मार्फत साझा गर्नुभयो।
कार्यक्रमको अन्त्यमा प्रोफेशनल एजुकेशन कन्सल्टेन्सीका कार्यक्रम निर्देशक राजु सिंहले पत्रकार सम्मेलनको समापन गर्दै प्रोफेशनल एजुकेशन कन्सल्टेन्सी द्वारा खेलकुदमा महिलाहरूको समर्थन र प्रवर्धनमा जारी प्रयासहरूको बारेमा चर्चा गर्दै अन्य व्यवसायिक प्रतिष्ठानलाई पनि महिलाहरूको सशक्तिकरणमा योगदान दिन प्रोत्साहन गर्नु भयो।
प्रोफेशनल एजुकेशन कन्सल्टेन्सी ले तिन दशक भन्दा बढीको अनुभवसहित एजुकेशन कन्सल्टेन्सीमा आफ्नो छुट्टै पहिचान बनाउन सफल भएको छ , प्रोफेशनल एजुकेशन कन्सल्टेन्सीले महिला सशक्तिकरण र युवाहरूको विकासका लागि विभिन्न पहलमा निरन्तर प्रतिबद्धता देखाएको छ। मिस बार्मासँगको यो नयाँ साझेदारी प्रोफेशनल एजुकेशन कन्सल्टेन्सीको खेलकुद प्रवर्धन र नेपालमा महिलाहरूको अवसरहरूलाई सुधार्ने प्रतिबद्धता को प्रमाण हो।
