काठमाडौँ । राष्ट्रिय प्रजातन्त्र पार्टीका अध्यक्ष राजेन्द्र लिङदेन सहितका नेताहरुलाई सिंहदरबारबाटै प्रहरीले नियन्त्रणमा लिएको छ। लिङदेनसहित राप्रपाका उपाध्यक्ष बुद्धिमान तामाङ, प्रमुख सचेतक ज्ञानेन्द्र शाही, सांसद दीपक सिंहलगायलाई प्रहरीले नियन्त्रणमा लिएको हो । उनीहरूले सिंहदबारस्थित संसदीय दलको कार्यालय परिसरबाटै सरकारको विरोध गरेका थिए।
राप्रपा नेताहरुले बानेश्वर पुगेर निषेधित क्षेत्र तोड्दै गिरफ्तारी दिने तयारी गरेका थिए। त्यसअगाबै सिंहदरबारमा सरकारको विरोधमा उत्रिएपछि प्रहरीले नियन्त्रणमा लिएको जनाएको छ।
त्यसअघि राप्रपाका प्रमुख सचेतक शाहीले सिंहदरबारमै आफूहरुलाई प्रहरीले बन्धक बनाएको भन्दै फेसबुक लाइभ गरेका थिए। उनले संसदीय दलको कार्यालय अगाडि बाक्लो रुपमा प्रहरी आएको डिएसपीको कमाण्डमा प्रहरीले संसदीय दलको कार्यालयमा घेरा हालेका बताएका थिए।
